The story of her life part19

---part 19---

راحو صوب خالد وسلمان.. 

خالد :لا حلفو.. جان نمتو بعد

دلال ضحكت : يعني تبينا نييب اكلنا هني من صجك

سلمان يكلم محمد : وانا عبالي خطفت اختي

محمد : هههه والله شسوي من شفتها نسيت الدنيا كلها

دلال انصدمت وطالعت محمد!

خالد : نعم؟

سلمان : خير ؟

محمد استوعب : الصمونه ! مترسينها مايونيز اخيييه

خالد ضحك : عبالي بعد

دلال كانت مصدومه وضحكت حيل.. "مينون.. يعرف يرقع"

قعدو لي الساعه 3 وشي.. بعدها 

محمد : اوووه نسييت

سلمان : شنو بعد

محمد : الصبح عندي فحص الزواج 

خالد : وشمقعدك للحين ! اذلف روح نام خل يمديك تريح

محمد قام : لازم نعيد هالطلعه ها 

سلمان : حده لازم

خالد : خلها هالاسبوع قبل لاتتزوج وتبتلش

محمد : هههه لا ماعليك اصرفها.. دلال لاتفتنين علي

دلال ابتسمت بخبث : انت لاتضغطني وانا راح اصير خوش وحده

*خبثٌ وجبن؟.. هه هه هه.. انزين خلاص لاتصرخون

محمد : تصرفو ويه اختكم هههه يالله فمان الله

خالد وسلمان : فمان الكريم

دلال سوتله حركة الـ"انا اعلمك" 

خالد : يالله عيل احنا نمشي.. تاخر الوقت الحين امي تفضحنا

سلمان : خوش طلعه صج.. نسيتوني اني متزوج والله 

خالد : شفيكم كل واحد ناسي مرته وخطيبته.. لي هالدرجه قعدتي حلوه 

دلال قامت : ويع قوم سلمان.. اخوك مادري شصار فيه

خالد : ايا الشقول ( وقامو)

سلمان : زين لك هالنقطه قامت تضغط

دلال : نقطه انت! لاتسب

ردو البيت.. 

دلال دزت حق ساره واتساب

"سوير بيي بيتكم اليوم الظهر وبعدها محمد بيمرني.. مابي احد يدري اوكي زرقيني"

حطت تلفونها عالشحن ونامت.. 

بعدها ب8 ساعات رن تلفونها.. 

دلال : اففف ويعه انشالله بناام (وشالته)

محمد صرخ : مليون مره ادق عليج يالله تقومين!

دلال : احد يصبح بصراخ 

محمد : اي صبح انتي الثانيه الساعه 12!

دلال اخترعت : ها! (وشافت تلفونها) اي والله !امبي يالله باي خل اقوم اتجهز

محمد : نطري.. لاتنسين ييبي المفاتيح ويبيلي تان ماعندي

دلال : انشالله الحين احطهم.. يالله باي

دقت على ساره.. 

دلال : قوه سارون

ساره : يقويج.. صح النوم جم مخده كليتي

دلال : ههه سكتي.. راح تمريني ولا اخلي احد يقطني؟

ساره : لا انا امرج عشان تنجح العمليه اكثر..

دلال : خلاص اوكي.. الحين بقوم اتسبح على ماتيين

ساره : اوكي اتغدا وامرج

دلال : مشكوره يالخايسه احبج

تسبحت عالسريع ونشفت شعرها.. 

حطت الlotion الي تحبه.. وحطت مكياج خفيف

لبست وغرقت روحها بالعطر وبعدها نزلت 

امها واهي تحط الغدا.. : صح النوم شكلكم رديتو متاخر امس

دلال : اي تقريبا 3ونص او اربع وصلنا

امها : اوله شسويتو كل هذا

دلال : محمد يا المطار وخذتنا السوالف.. المهم يما

امها : ها شنو وين بتروحين

دلال : بنام اليوم عند سارو.. تدرين من زمان ماشفتها وقعدت وياها وايد

امها : اي اوكي.. بس اخوانها مو بالبيت؟

دلال : لاتقول مسافرين كلهم واهي بروحها

امها : خلاص اوكي.. بتمرج اهيه؟

دلال : اي.. عادي اروح؟

امها : اي شفيها يعني.. مو اول مره

دلال حبت راس امها : مشكوره ماما حبيبتي

امها : بس سمعي مابي سوالف وتروحون مني مناك! انثبرو بالبيت

دلال : انشالله هيهي وين بنروح يعني.. يالله مع السلامه ماماتي (وراحت)

امها : مع السلامه حافظج الله يمه

اول ماركبت السياره.. 

ساره : يالمينونه! 

دلال ضحكت : شفيج!

ساره : توني استوعب انج بتروحين مع محمد!

دلال : اي.. 

ساره : وين بتروحون؟

دلال : بنروح الشاليه.. موتقولين حق احد اذبحج

ساره صرخت : شنو!

دلال : هي لايروح بالج بعيد ترا ولد عمي ماراح يسويلي شي 

ساره : بس ياشقول الشيطان مامات!

دلال : اعرف حدودي.. وبعدين لاتنسين اهو بيتزوج

ساره : ويوم انه بيتزوج شكو متواعدين بالخش والدس؟

دلال : مادري سارو لاتسويلي فيها نصايح الحين.. بروحي مخترعه مادري شلون سويت جذي

ساره : اوكي خلاص بسكت.. بس اذا امج دقت وتبي تتاكد شنسوي؟

دلال : ادق عليج من تلفون حمود ورقعي السالفه

ساره : خلاص اوكي.. 

محمد دق على دلال.. 

دلال : الو..

محمد : ها وينج

دلال : بالطريج.. الحين ادزلج عنوان بيتهم اهوه قريب من بيتكم

محمد : يالله كاني انا طالع.. 

وصلو بيت ساره.. 

دلال : مشكوره حبيبتي والله ماراح انسالج ياها

ساره : ديري بالج على نفسج دلول.. واي شي يصير بسرعه دقي علي

دلال : انشالله.. 

ركبت سيارة محمد.. وحست اول مره انها خايفه منه!

محمد شافها.. : من وين تبين نتغدا؟

دلال : كيفك..

محمد : تبين الحين ولا لما نوصل

دلال : انا عادي مويوعانه وايد.. 

محمد : اوكي.. شيلي هالنظاره جنج ذبانه! بشوف ويهج

دلال ضحكت : ذبانه انت (وشالتها)

محمد تنح بويهها.. مبين توها قاعده من النوم.. 

دلال : لاتطالع جذي!

محمد : ها! اي

دلال : شفيك متنح.. نمت عدل؟

محمد : لا وين.. نمت اربع ساعات وقمت حق الفحص, اول ماخلصت رديت تسبحت ومريتج 

دلال : بييه طولتو! كان زحمه؟

محمد : لا بس بنت عمج البارده اخرتنا..

دلال : اها.. 

محمد : اشوف اي تان يبتيلي

دلال طلعت من جنطتها وورته

محمد : شغل عدل 

دلال : اضبطك..

وصلو الشاليه بسرعه.. الطريج كان فاضي

دلال قطت روحها عالغنفه.. : الله ولهت على هالمكان

محمد قعد يمها.. : وايد

دلال لفت عليه.. : ليش احسك مهموم

محمد : ماكو.. بس سالفة الزواج شوي.. 

دلال : امم..

محمد : مابي اييب طاري الموضوع.. قوليلي انتي شصار عالجامعه؟

دلال : حضرتك ماكلمت امي

محمد : امبله كلمتها

دلال : متى ماقالتلي!!! 

محمد : صج؟ مادري بس قالت ان ماتقدر تخليج بروحج بره وتخاف عليج وايد.. تقول احسن اييلج ريلج وتدرسين وياه

دلال : اففف ماصارت حمود مابي شنو هذا شمعنه انتو الشباب يخلونكم تروحون وانا لا

محمد : انشالله وعد بتروحين بس لاتتحلطمين

دلال : شلون؟

محمد : خلاص قلنا وعد!

دلال : امم.. اوكي

محمد قام وطلع ككاو من الجنطه الي يابتها دلال

دلال : محمد..

محمد : ها 

دلال : احنا ليش قاعدين نسوي جذي؟

محمد لف ويهه وسكت..

دلال : غلط الي نسويه.. وايد غلط

محمد حط ايده على حلجها.. : اوش

دلال خافت : وخر !

محمد تنزفر وبصراخ : انتي شفيج! تحسسيني باكلج ولا بنسوي منكر!

دلال : انزين لاتصرخ..

محمد : اوهوو.. (طلع زقارته من جيبه ودخن..)

دلال وقفت وسحبتها من حلجه : لاتدخن يالخايس

محمد : دلال.. بلعي العافيه وعطيني ياها

دلال : مابي (وراحت..)

محمد لحقها.. 

دلال ضحكت : وخر عني ماكو زقاير ههههه 

محمد : قتلج عطيني ترا اسوي شي موزين

دلال : اوكي.. 

محمد سحبها من ايدها حيل.. 

دلال : ماحبك انزين انا الخبله الي اخاف عليك

محمد وقف جدامها.. : تخافين علي؟

دلال نزلت راسها : وايد

مسك ايدها.. وحاول يقرب منها

دلال غورقت عينها.. 

محمد انصدم : ليش تبجين!

دلال : مابي الي صار معاي امس يصير بعد اسبوع.. 

محمد فهمها.. : اسف

دلال راحت.. : برد البيت

محمد : خير يبه؟

دلال : لاتسوي جذي والله اخاف

محمد : خلاص مابقرب منج بس بالغلط.. قلنا اسف

دلال : انزين عيل ابي غدا 

محمد : واحنا بالطريج شحقه ماقلتيلي؟ مال كف 

دلال : هههه مادري.. 

محمد : توج زعلانه ! يمه منج

دلال : انت تضحكني شسوي

محمد ابتسم : انزين.. 

راحو ماك وخذو غدا، وبالطريج كلو من اليوع..

لما وصلو رن تلفون محمد.. 

محمد : ياصبر ايوب.. 

دلال : اهيه ؟

محمد نزل من السياره ورد : هلا هبه

هبه : هلا حبيبي.. 

محمد : شبغيتي انا مشغول 

هبه : سوري ازعجتك.. بس بغيت اسالك متى تطلع نتيجة الفحص؟

محمد : مادري سالي امي

هبه : لا فشله خلاص.. 

محمد : دام فشله شحقه داقه تسالين؟

هبه : انت ليش تحاجيني جذي!

محمد : اوهو(صكره بويهها)

دلال شافته معصب.. ماكلمته

راح وقعد عالبحر وسماعاته باذنه.. 

قعدت يمه واهي ساكته.. 

بعدها.. 

محمد : شفيج ؟

دلال : مافيني شي

محمد : خلي التان حق يوم ثاني.. اليوم مايمدي

دلال : على راحتك

حطت راسها على جتفه.. : بتتزوج وتروح.. خلاص؟

محمد شافها : ماتبيني اتزوج؟

دلال :… 

خايف تروح وغيري يخونك.. مابيها تتضايق عيونك

وانا يمك.. همي همك.. ياكل الحياه 

بطل عينه الساعه 2;35 

لقاها لابسه ومتجهزه.. 

قام وراح صوبها.. : صباح الخير حبيبتي

لولوه : صباح النور.. 

سلمان :وين بتروحين!

لولوه : ناطرتك.. عشان ننزل حق الغدا!

سلمان : اي صح! تاخرت الحين امي تفضحنا

لولوه : وين كنتو امس؟

سلمان : رحنا المطار انا واخواني.. دلال كانت متضايقه وطلعناها

لولوه : ليش شفيها!

سلمان : مادري والله.. 

لولوه : قمت الساعه 3 مالقيتك عبالي للحين بالعرس قاعده اقول شفيهم طولو

سلمان : يالدايخه ماشفتي غترتي وعقالي عالطاوله!

لولوه : لا ههههه 

سلمان قرب منها.. لولوه حطت ايدها على حلجها وركضت الحمام..! 

سلمان تنح.. : شفيها! 

بعدها بدقايق طلعت لولوه.. 

سلمان : شفيج ! 

لولوه : مادري.. من امس احس بلوعه 

سلمان اختبص : لوعه! انادي امي؟

لولوه : لا عادي مافيني شي الحين.. 

سلمان : اكيد؟

لولوه : اي اكيد.. يالله البس خل ننزل يعت 

سلمان : اوكي! تجهزي عشان بعدها نروح المستشفى

لولوه ابتسمت.. : انشالله 

…

حطت راسها على جتفه.. : بتتزوج وتروح.. خلاص؟

محمد شافها : ماتبيني اتزوج؟

دلال :…

قعدو فتره واهم ساكتين.. بعدها محمد قام 

ومسك ايد دلال : تعالي بنسدح داخل ابيج تهمزين راسي

دلال قامت : اوكي.. بس موتنام وتسحب علي

محمد : احلى يوم.. ماقدر اسحب عليج

قعدت وسوت مساج حق راسه ورقبته.. 

محمد : ترى موقاعد احس بشي ضغطي اكثر

دلال عطته كف : اسكت

محمد قام وطقها : يالمينونه لاتطقين

دلال ضحكت : وخر ههههه 

محمد : عليوي الي اهو عليوي ولا مره قدر يطقني.. شلون انتي استدرجتيني!

دلال : شكو ؟

محمد : مادري قعدي هناك لاتقربين صوبي 

دلال : ليش عاد يالمليق

محمد : لانج تخونين.. ايدج فجاه تطق! تخرع

دلال : هههههههه واي بطني

محمد طالعها واهو رافع حاجبه.. : عن خيره من كف.. جنه ابره بالخد 

دلال : اوله لي هالدرجه 

محمد رد انسدح ورن تلفونه.. 

عصب : مايخلون الواحد يرتاح دقيقه

دلال عطته تلفونه : اي شي خالد قاعد يدق!

محمد : صج؟ سكتي لاتطلعين صوت

دلال : اوكي!

شاله.. 

محمد : ها خويلد

خالد : هاا بوجاسم وينك

محمد : طالع والله 

خالد : اي صوب خل اييلك

محمد توهق : انا معلق بالزحمه! (وصرخ) لاتطق هرن انت الثاني 

خالد : حتى انا لاعت جبدي معلق عالرابع موراضين يتحركون! 

محمد : ثواني وادق عليك.. هذا الاثول يبي اتهاوش معاه

خالد : اعصابك يبا.. خلاص ادق بعدين

محمد صكره وضحك.. 

دلال : الصواريخ محمد الله يهداك.. أي هرن وأي هواش

محمد : سكتي مادري شلون رقعت السالفه بسرعه

دلال : عسى ما يكبسون علينا ههههه 

محمد : خل يكبسون.. مو مسوين شي غلط! مسوين شي غلط احنا ؟

دلال : لا استغفرالله منو قال؟ شي غلط؟! لا يجوز هذا الكلام!

محمد ابتسم… 

دلال : ترا انت تخرع فجاه تضحك فجاه تعصب لاتطالعني جذي!

محمد : يالمينونه ههههههه انزين.. قعدي يمي

دلال : توك تقولي قعدي بعيد! انت جم بطل لاك قبل لاتمرني؟

محمد حذف عليها المخده : الله ياخذج 

دلال قعدت يمه.. 

محمد صرخ : راح اوله عليج ياشقوووول 

دلال ضحكت.. : حتى انا والله 

…

بعد الغدا، طلعو سلمان ولولوه.. وصلو المستشفى،

سوت تحليل وبعدها بربع ساعه دخلت عند الدكتوره.. 

الدكتوره : انتي لولوه عبدالعزيز ال.. ؟

لولوه : اي 

الدكتوره : الحمدلله كل شي فيج تمام.. بس الحين روحو الطابق السادس حق الاشعه

لولوه : يعني دكتوره مو حامل ؟

الدكتوره : لا

لولوه : والاشعه حق شنو؟

الدكتوره : احتياط.. اول ماتستلمونهم تعالو وانشالله مافيه الا الخير

لولوه : انشالله.. مشكوره دكتوره.. (وطلعت.. )

سلمان : ها بشري! 

لولوه : تقول روحي سوي اشعه بالطابق السادس.. 

سلمان : اشعه حق شنو؟

لولوه : مادري !

سلمان : انزين ماقالت شي عن التحاليل؟

لولوه : لا..

عقبها بربع ساعه خذت لولوه الاشعه ونزلت حق الدكتوره.. 

دخلت هالمره مع سلمان واهي خايفه.. 

الدكتوره شافت الاشعه وتغير ويهها.. : انت ريلها؟

سلمان : اي نعم.. 

الدكتوره : ماعليه بس بغيت اكلمك على انفراد

لولوه قامت : انا بقعد عالكراسي الي بره.. 

 (ولما طلعت..)

سلمان : خير دكتوره شصاير؟

الدكتوره : والله مادري شقولك.. خلو ايمانكم بالله قوي