The story of her life part15

---part 15---

امها : انزين.. بما ان فتحتي موضوع الدراسه بره..

دلال : اي؟

امها : في واحد يدرس بره.. ومتقدملج

دلال دق قلبها حيل… وبخوف : منو ؟

امها : اسمه عيسى ال..

دلال ارتاحت.. : اها.. 

امها : شفيج ماما؟ احسج مومستانسه

دلال : لا يما بس مافكر بالزواج الحين.. 

ابوها : ليش ؟

دلال : بشوف سالفة دراستي اول.. وللحيني صغيره ماكملت 18

امها : اي عبالي بعد.. 

خالد غمزلها : اخاف ناطره احد

امها : يوز عن اختك.. يعني اقولهم ماتبي ؟

دلال : اي.. 

بمكان ثاني.. 

بطلت تلفون اخوها ودورت رقم باسم محمد.. 

خذت الرقم بسرعه وطلعت.. 

يوسف (اخو هبه) : شتسوين انتي بغرفتي!

هبه توهقت : بغيت شحن البلاك بيري

يوسف : شحقه ماخذيتيه

هبه : بس تذكرت عندي واحد ثاني خاشته بالكبت.. (وراحت)

يوسف : موتدشين غرفتي مره ثانيه وانا موموجود! جم مره اقول يعني ؟

هبه طنشته ومشت..

لما تاكدت ان الكل نام.. 

دقت عالرقم.. رنه.. رنتين..

شاله.. : الو 

هبه : الو.. محمد ؟

محمد : يا هلا منو معاي

هبه : انا هبه.. 

محمد : اي هبه ؟

هبه انقص ويهها : بنت خالك.. 

محمد : اي هلا هبه

هبه : شلونك

محمد : الحمدلله.. خير بغيتي شي؟

هبه : ليش تحاجيني جذي؟

محمد : شلون تبيني احاجيج؟

هبه : شدراني؟ جني ماكله حلال ابوك

محمد : تحجي عدل.. 

هبه : بقولك شي مهم عن دلال..

محمد : شفيها دلال ؟شصاير؟

هبه : انت تحبها؟

محمد : شالكلام هذا؟ داقه علي نص الليل عشان تقولين هالكلمتين؟

هبه : محمد رد علي انت تحبها؟

محمد : منو انتي عشان تسالين

هبه : محمد انا اعرف اشياء عن دلال محد يعرفها

محمد : المطلوب

هبه : دلال تحب واحد..

محمد :… 

دلال دقت على محمد واهي متضايقه..

تبي تفضفضله مثل عادتها، 

لقته مشغول.. "منو يحاجي هالحزه! مو من عادته يسولف ويه ربعه بالتلفون.. "

هبه : لاتعشم روحك وعبالك انها تحبك.. ترى دلال قاعده تسايرك بس

محمد : لاتقولين هالكلام عن دلال.. عيب

هبه : كيفك مو مصدق روح اسالها.. اهيه ماتحبك اهي تحب..

محمد ساكت.. 

هبه سكتت.. 

محمد : قولي ؟

هبه : تحب اخوك.. دلال تحب علي

محمد بهدوء.. : دلال تحب علي اخوي؟

هبه : اي.. (خافت..)

محمد : اي مسكينه.. علي بيتزوج.. الله يعينها

هبه : شفيك؟

محمد : مافيني شي انتي شفيج؟ 

هبه : تضايقت؟

محمد : ليش اتضايق؟ بس بنام باجر وراي مشاوير من صباح الله خير 

هبه : اها.. تصبح على خير

*تعرفون لما.. من كثر ماتكونون مصدومين ماتقدرون تتحجون.. ولا تحسون انكم متضايقين.. ماتبجون وتصيرون صخر.. 

مشاعركم فجاه تموت.. وكل احساس شلتوه بقلبكم حق الي تحبونه تلاشى!!.. شكثر يذبح هالشي.. 

اليوم الي بعده.. 

محمد مارد على ولا شي كتبته دلال.. وخافت عليه!

بعد الغدا، محمد : يما بكلمج شوي.. 

امه : بس بسرعه لان بروح اختار الحلو حق عرس علي

محمد ابتسم : اي بسرعه ماراح اطول

امه قعدت : ها يمه قول.. 

محمد : خطبيلي.. 

---------

دلال : خلود بروح الشاليه باجر اسوي تان

خالد : سوي بالسطح 

دلال : هذول جيراننا قام يبنون وكله عمال من صجك

خالد : انزين شلج بالتان الحين

دلال : حق عرس علي

خالد : انزين.. بس ماتستخدمين تاني! اخذي مالج

دلال : شبي بمالك.. باخذ من رفيجتي احسن من امريكا

خالد : جذابه شسمه

دلال : اهو نفسه banana boat بس يديد ولونه عجيب

خالد : اوخ وريني ياه خل نطلبه

دلال : مابي

خالد : ايا الجعصه

دلال : لا والله! طاع منو يتكلم

امهم : بسكم نجره ودي مره اشوفكم مستانسين وسعيدين بحياتكم

دلال ضحكت : ولدج جعص والله 

ودي اقوله احبك واعيش عمري معاه.. 

الحب من طرف واحد يذبح وايد.. 

محمد دق على دلال.. راحت غرفتها وصكرت الباب، وشالته

دلال : لا والله؟

محمد : شفيج

دلال : ادق عليك من امس تخرعني جذي وماترد علي!

محمد : كنت مشغول

دلال : اي صح.. شغل فجأه طلعلك

محمد : شبغيتي

دلال : كنت متضايقه بفضفضلك.. بس طاف

محمد : قولي الحين.. اسمع

دلال : شعقبه..

محمد : قلنا كنت مشغول

دلال : واحد تقدملي امس.. 

محمد : مبروك

دلال : ورفضت

محمد : للحين ناطرته؟ ترا ماراح يخطبج لاتخافين.. 

دلال : ها؟

محمد : دلال موكل يوم بييلج ريال زين.. لاتطوفين ريال عشان تحبين واحد وتدرين انه مو لج

دلال انصدمت : شكو احب واحد؟

محمد : لا بس اقول.. 

دلال شكت : محمد شفيك؟

محمد : تبين تعرفين شفيني؟

دلال : اي ! اتفقنا ان اذا فيك اي شي قولي لاتخش بقلبك

محمد : بخطب وحده.. 

دلال انصدمت حيل.. : صج!

محمد : اي انشالله.. حاطها ببالي من زمان 

دلال :منو سعيدة الحظ 

محمد : همم فكري

دلال بحيا.. : مادري.. انته قول

محمد : احبها وايد.. وودي اخذها اليوم قبل باجر.. تدرين منو؟

دلال استحت اكثر : منو..