---part 14---
يوم الثلاثاء.. الساعة 6 الا ربع
قاعده دلال عاللابتوب.. توها شايفه فلمين ورا بعض وزهقت
طلعت من غرفتها بتسويلها شي تاكله.. لقت خالد توه طالع من الحمام
دلال : بسم الله
خالد : بسم الله انتي (ودخل غرفته)
دلال لحقته : شمقعدك هالحزه
خالد : سكتي لاتقعدين امي وابوي.. بروح المطار
دلال : ايي حق محمد ؟
خالد : وعلي
دلال : بيي وياك انطرني ابدل
خالد : هوب هوب وين ؟ رفيجي بيي ويانا انثبري يالله
دلال : مالي شغل بيي انا شكو برفيجك
خالد : دلال مالي خلق حنتج ذلفي عن ويهي
دلال : انزين اهو مسوي مفاجأه حق امه صح ؟
خالد طالعها : انتي شدراج ؟
دلال توهقت : مادري يعني محد قالنا ان بيي
خالد : اي مفاجأه.. لاتقولين حق احد
دلال : اذا ما وديتني وياك الحين ادق على عمتي اقولها ان محمد ياي
خالد طقها عالخفيف : يالله ذلفي لبسي لاتتاخرين.. كله مخربه علي الله ياخذج
دلال ضحكت : الحين عرفتلك (وراحت تلبس..)
لما وصلو محمد وعلي.. سلمو على خالد ودلال ورفيجهم عبدالعزيز..
بعدها..
خالد : ها اوديكم البيت الحين ؟
علي : لا يبا اي بيت امي نايمه ماتقوم الا تسع ولا عشر حرام نخرعها الحين
خالد : زين عيل وين نروح
محمد : شدراني شوفلنا اي مطعم فاتح من الحين نروح نتريق
خالد : زين.. اقول شلون امشو ستاربكس يالله على حسابي
محمد : حق عوار البطن من صباح الله خير
علي : زين عطني جنطتك حمود خل احطها بالسياره
خالد طلع مفتاحه من جيبه : هاك.. عاد شدراك وين سافطها دلال روحي وياه
محمد غمز حق علي..
علي : ااح ايدي اوووخ
دلال : شفيك!
علي : مادري فجاه شدت علي
محمد : خلاص اقعد انا احط الجناط..
دلال طالعت خالد : اروح ؟
خالد : اي روحي بياكلج يعني ؟
دلال ضحكت وراحت..
لما راحو.. علي ضحك عليهم
خالد : ترا اخوك اثول (وضحك)
علي : ها ليش
خالد : قوله خل يحط اختي بعيونه لا اذبحه
علي : شيحطها بعيونه ؟
خالد : عليوي انا خبره بهالسوالف شفيك
علي ضحك : ماعصبت عليها ؟
خالد ابتسم : لا.. واثق منها ادري دلال ماتسوي شي غلط.. وهم واثق من الاثول
علي : الله يوفقهم انشالله..
*حلفي انج موقاعده تقولين "جان زين خالد اخوي" اصيدكم انا*
عند محمد ودلال..
محمد : شفيج ساكته ومخترعه
دلال : مادري مو مستوعبه
محمد : شنو
دلال : احس خالد درا
محمد : خل يدري شنو يعني
دلال : اخاف..
محمد : وين السياره ؟
دلال : كاهي.. (وبطلتها)
محمد حط الجناط بالدبه وبعدها : لاتخافين.. اذا صار شي انا راح اكلمه
دلال : اكيد ؟
محمد : اكيد
دلال : انزين..
محمد : بعدين تعالي انتي شحقه يايه ؟ ماقالج خالد ان رفيجي بيي؟
دلال : امبلا.. بس اشتقتلك لاتزف
محمد : اي عبالي بعد..
دلال : محمد..
محمد : ها
دلال : قول حق امي ابي ادرس بريطانيا الله يخليك
محمد : انشالله
دلال : صج بتقولها ؟
محمد : اي قتلج انشالله بس لاتحنين
دلال : بعد خشمي انت والله
محمد : من زين خشمج عاد
دلال ضحكت : ماحبك
محمد : لا تكفه انا الي اموت فيج
دلال : جذاب
محمد طالعها مده وضحك
عقب ماتريقو تمشو شوي.. بعدها ركبو السياره عالساعه 8
خالد : ها وين الوجهه القادمه
علي طالع محمد..
محمد : البيت ؟
خالد : صار..
علي : خوش سايق طلعت ها
خالد ضحك : ترا المفروض اعطيك كف بس مابطيح برستيجك جدام اختي
محمد : الله واختك عاد قاعده ورا جنها الخدامه
دلال طالعته وطقته بقوطي الكلنكس
محمد : ماقلت شي غلط (وضحك)
خالد : بس عاد حدك على اختي ههههه
دلال طالعت علي ومحمد : انا اعلمكم..
يوم اليمعه.. زوارتهم بالجابريه.. قاعدين كل العمات واليهال يشيطنون
والبنات ازعاج ولويه وحش
فجاه.. عمتهم ليلى : ياجماعه عندي لكم خبر..
الكل التفت عليها.. والكل هد الي بيده وشافها، الا دلال..
عمتهم : جهزو روحكم.. انشالله بعد ثلاث اسابيع عرس علي
هبه شهقت..
العمات يببو والكل بارك حق علي..
دلال طالعت هبه وابتسمت..
نزلت دمعتها غصبا عنها.. ومسحتها بسرعه..
تصالحو دلال وهبه.. واتفقو ان ما يبطلون سيرة محمد،
اليوم الي بعده.. السبت الصبح، دلال بالمرينا تتسوق مع ساره وهبه..
هبه : دلال كشخي.. خلج احلى وحده بالعرس !
ساره : عاد اهي من غير شي احلى وحده
دلال ضحكت : ترا عادي.. مو على بو حبيبي بيتزوج تجاملون هالكثر
ساره : ياشقول موقاعده اجامل! انزين خلاص يالجيكره خلج اخيس وحده
دلال : اي جذي اصدق
هبه : الحمدلله والشكر.. ساره مسحيها بويهي هاذي مو مال احد يمدحها
ساره ضحكت : خبله خبله
بنفس اليوم، بالليل
دلال قاعده مع امها وابوها وخالد ويتعشون
سلمان دخل البيت.. ولولوه دخلت وراه واهي متضايقه،
سلمت عالكل واعتذرت.. : خالتي انا بصعد فوق.. بالعافيه
ام خالد : ماتعشيتي حبيبتي!
لولوه : مو مشتهيه.. خربطت شوي بالاكل..
ام خالد : على راحتج يمه
لولوه صعدت شقتها..
سلمان : عم ابوها توفى.. وماكو عرس
ام خالد : ويي! وعلّيه الله يرحمه.. جم عمره اهوه ؟
سلمان : ريال كبير بالسبعينات
ام خالد : الله يرحمه انشالله.. انزين باجر ادق عالصاله واكنسل بعد شنسوي!
دلال تحلطمت بينها وبين نفسها "اخوي مايسوي عرس عشان حضرتها عم ابوها مادري عم يدها متوفي…استغفرالله"
ابوهم : قولها عني عظم الله اجرها وانشالله اخر الاحزان..
ام خالد : انزين اوصي الخدامه تييبلكم عشاكم فوق
سلمان : لا اهيه ماتبي تاكل بس انا اكلي لقمتين وياكم واصعد..
ام خالد : يالله يمه تعال اقعد..
لما خلصو العشا.. وصعد سلمان
دلال : يما يعني ماراح نروح عرس علي؟
امها : لا شكو! ماله شغل
دلال : اي عبالي بعد.. انزين يما يبا.. بقولكم شي
ابوها : قولي.. من الحين اقولج فلوس ماكو صرفتي وايد هالشهر
دلال : لا لا.. ابي اقدم حق بعثه ببريطانيا
امها : ولييه.. ردينا على الطير ياللي
دلال : يما عفيه ابي اروح الله يخليج
امها : ماراح تقدرين بروحج!
دلال : امبله اقدر.. انشالله
ابوها : خلاص.. باجر ذكريني الصبح قبل لا اروح الدوام ونشوف
دلال شهقت :صججج!
ابوها :اي صج..
خالد : عاد انا بيي عندج ها
دلال :شتبي وخر بفتك منك لاتيي!
خالد : يالله عاد اخوج الكبير غصبا عليج ايي
دلال : من الحين لزقه هذا باجر شبتسوي!
خالد ضحك : خلاص ذليتينا
امها : انزين.. بما ان فتحتي موضوع الدراسه بره..
دلال : اي؟
امها : في واحد يدرس بره.. ومتقدملج
دلال دق قلبها حيل…
No comments:
Post a Comment