The story of her life part6

---part 6---

مر اليوم واهم يلعبون كوت واهي عينها على علي.. كل ما رفع راسه وخرت عينها عنه..

يوم صارت 12.. 

لازم يمشون.. وراهم تجهيز جناطهم..

"علي بيروح مع محمد اسبوع بعدها يروح امريكا.. "

سلمو على بعض كلهم.. ولما يو بيطلعون

خالد : قتلي الساعه جم امركم عشان نروح المطار؟

علي : يعني عالوحده وحده ونص

سلمان : عاد الحين المطار زحمه لازم نروح ابجر

محمد : لا هذا مبجر طيارتنا ٣ بس نبي نتعشى ونتمشى شوي

سلمان : ايه عدل احسن..

علي : يالله مع السلامه

دلال : تروحون وتردون بالسلامه.. ديرو بالكم 

سلمان لف على دلال.. 

مسحت دمعتها بسرعه وراحت..

محمد "لاتروحين.. بشوفج!"

ركبو السياره ..

علي بهدوء : قتلها؟

محمد : لا.. 

علي : شفيها ام دميعه

محمد ظل ساكت.. 

كلمها بالوتساب.. 

(دلولو لاتبجين تحسسيني بنروح نجاهد)

سلمان وخالد راحو حق اختهم..

دلال خافت..

خالد : شفيج تبجين !

سلمان : ام دميعه انتي فشلتينا

دلال : يوعانه

خالد : اكلي

دلال : انزين يالله خنرد مشتهيه ماك

سلمان حس ان فيها شي.. 

خالد : كا رايح ابدل وايي عشان نمشي

راح خالد.. سلمان قرب من دلال

سلمان : دلال.. قولي الصج شسوالج حمود؟

دلال : شسوا؟ ماسوا شي!

سلمان : ليش دمعت عينج

دلال: لان اكثر عيال عم قراب.. حسبة اخواني "طل" شلون ماتبيني اتضايق اذا راحو

سلمان : لا يعني بتقنعيني اذا انا ولا خويلد سافرنا بتتضايقين؟

دلال : اصلا كل ماتسافرون اتضايق واقعد بغرفتي محد يدري عني.. كله ماتودعوني تروحون فجاه

سلمان ضحك : لا انتي تكونين نايمه 

دلال : لاتجذب بس مره وحده كنت نايمه وسافرتو الفير!! ويع ماحبكم

سلمان طقها على غشمره

دلال : اي اي يالدفش 

سلمان : قومي طفي التلفزيون وكل البلاكات يالله خل نمشي

دلال : خدامة يدك انا (وقامت)

سلمان : لسانج صاير شطوله ترا يبيله قص!

خالد نزل : كاني ياي اشلعه لها

دلال ضحكت..

خالد : يالله مشينا 

دلال : ويي لحظه نسيت شغله فوق

خالد : ولييين يالله بسرعه!

دلال راحت.. دخلت الغرفه لقت هدفون محمد.. كان ناسيه فوق

خذته وتذكرت الي صار قبل ساعات.. ضحكت ،سكرت الليتات وطلعت

ردو البيت، تسبحت وقطت روحها بالسرير عالساعه 2

بطلت الوتساب الي ماتدري عنه من جم ساعه ولقت حمود مكلمها

بالوتساب..

محمد : لاتبجين تحسسيني بنروح نجاهد

دلال : ههه مابجيت.. قاعد؟

محمد مارد عليها.. (بسابع نومه)

سولفت ويه رفيجاتها شوي لما داخت ونامت.. 

صار يوم سفرتهم

سلمان وصلهم المطار وخالد راح عقبها بسيارته ومعاه الجناط

ودو جناطهم وعقبها تعشو بستار بكس.. 

بعدها بمدّه من السوالف، نادو على طيارتهم

علي : وليين رادين حق الشقا.. تعال اطبخ وغسل هدومك ونظف الشقه 

سلمان : روحكم جان درستو هني

علي : شدراني قرادة حظ

محمد قام..

علي : وين! تو الناس انطر

محمد : اي شوي وراد

علي : اي عدل.. خذ راحتك (وضحك.. يدري بيدق عليها)

خالد : عن خيره حمودو قايلي ان تاب.. رد يكلم

سلمان : الفال حق اخوه

علي : لا انا خلوني بره هالخرابيط 

محمد طلع من المطار.. ودق عليها

قاعده بغرفتها.. متضايقه ودمعتها على طرف عينها.. 

فز قلبها يوم شافته داق.. شالته على طول

محمد بضيق.. : دلولو

دلال : للحين مارحتو؟

محمد : نادو على طيارتنا..

دلال : دير بالك على نفسك 

محمد : الي يتحرش فيج قوليلي وايي الكويت اذبحه

دلال ضحكت : الحين هذا الي هامك؟

محمد : اذا انتي ماتهميني منو بيهمني؟

دلال وقتها تأكدت من احساسها.. 

سكتت.. 

محمد : دلول؟سمعيني صوتج.. ريحيني

دلال (تغير صوتها) : مو تنسى صلاتك حمود

محمد : وبعد.. ؟

دلال : لايقصون عليك عيال ابليس

محمد : اي؟

دلال : وكل يوم طمني

محمد : انزين..؟

دلال : وتروح وترد بالسلامه.. انطرني كلها سنتين ولاحقتك

محمد ابتسم.. : انشالله.. ديري بالج على روحج

دلال : سلم على علي

محمد : انشالله يوصل..

دلال ماتحملت اكثر.. : روح لاتطير عنك 

محمد : جان زين..

دلال : شد حيلك.. اوكي؟

محمد : من عيوني

دلال … 

محمد : مع السلامه يالخايسه

دلال سكتت فتره.. وبعدها : مع السلامه يالخايس.. 

محمد : لحظه لحظه!

دلال: شنو!

محمد : دزيلي صورتج كل يوم

دلال : نعم؟

محمد :مو غريب انا غصبا عليج تدزيلي

دلال ضحكت : اوكي حتى انت

محمد : اوكي.. فمان الله

دلال : حافظك الله

ماكان وده ينهي المكالمه.. راح واهو حاس ان خطواته ثقيله.. 

ماوده الوقت يركض.. 

سلمو على سليمان وخالد.. وراحو

Dalal tweeted "I hate saying goodbye.."

Mohammed tweeted "I'll miss your smile.."

Ali tweeted "Bye Kuwait.."

كلهم قالو "نقدر ندرس بره.. ونعتمد على نفسنا.. 

ماراح نبجي.. شاللي يبجي؟ بالعكس حريه اكثر.. وجامعات احسن من اهني.. "

نصهم راحو والله يستر عليهم.. والنص الثاني ؟ تقيّدو اكثر.. 

مادري شنو شعورهم بالضبط.. مادري اذا قدرو يمنعون دموعهم.. خوفهم من الوحده..

بس دايما ادعيلهم.. الله يبعد عنهم عيال الحرام وانشالله مايحسون بالوحده 

مرت شهور.. خلصت عطلة الصيف.. 

اليوم هو الثالث والعشرون من سبتمبر.. 2010

الثانيه عشر بعد منتصف الليل،

سنة جديده.. صفحاتها فارغه

لا اعلم كيف ستملؤها الاقدار

لا اعلم مالذي سأفعله.. 

سنة مصيريّه.. 

اكاد لا اصدق، شهور تفصلني عن اجمل لحظات الحياة!

متى سأرمي قبّعتي توديعا لسنين الدراسه؟ 

(من مذكرات دلال..)

محمد ماقال حق دلال اي شي.. ماكان يبيها تفكر بشي غير دراستها

ويبيها تييب نسبه، عشان يخطبها وتسافر وياه.. تداريه.. 

ويرد من الجامعه يلقى اكله جاهز.. يقوم من النوم يشوف هدومه نظيفه، 

ويحذف المخاد عليها ويقوم من نومة العصر يشوف الصاله مرتبه

ويحصل الي يشيلون اسمه.. 

شدت حيلها..درست وضغطت على روحها وايد.. وكانت تمر اسابيع او شهور 

واهي مو مكلمه محمد، كان يقدر هالشي ومايحب يضايقها

اهو بروحه انشغل بدراسته.. وكان دايما يقولها 

"تعودي من الحين تدرسين اول باول.. بريطانيا يبيلها مجابل"

مرو اول شهرين والكل منشغل بشي..

2010/12/2 الخميس

بالجابريه، كانت بالزواره تتعشى وتسولف ويه بنات عمتها

مندمجين بالسوالف والضحك..

تبطل الباب.. الكل انصدم واستانسو

علي ومحمد فاجؤو الكل وردو من السفر مع بعض! حتى امهم ماتدري

صرخت ولمتهم حيل.. 

صار بجي ودلال استانست حييل! 

محمد شافها وابتسم ابتسامه عريضه

دلال ضحكت وسوتله حركة ال"انا اعلمك"

محمد ضحك وسلم عالباجي.. 

هبه (بييه شخباري) عطت دلال نظره.. 

دلال :شفيج ؟

هبه : انتي الي شفيج؟

دلال : حبيب القلب رد.. استانسي!

هبه : تكلمينه؟

دلال : شكلم فيه؟ شكو؟

هبه : عطيني تلفونج 

دلال تنرفزت.. وبصوت عالي : نعم ؟ منو انتي امي ولا ابوي؟ الحمدلله والشكر

الكل شافهم.. واستغربو 

ساره (وحده من بنات عمهم) : شفيج دلول! فشلتينا

دلال : ما حاجيتج 

ساره : هاذي شفيها ! 

هبه راحت بره.. وساره لحقتها

محمد يكلم علي : من اول مايينا جذي صارت مشكله

علي : قايلك انا وياك قبسه ماصدقت (وضحكو)

دلال كلمت محمد whatsapp

دلال : ليش ماقتلي انك بتيون؟ جذي توقفون قلبي؟

محمد شافها وضحك.. رد عليها : مفاجأه حلوه صح؟

دلال : وايد.. بس اخر مره تسويها!

محمد : عناد كل مره بخرعج جذي

دلال : انطر حسابك لما ارد البيت

محمد ابتسم : شحقه طلعت هبه جذي؟ ترا فشلتيها

دلال : اوهوو

محمد : تحجي عدل لا بكس الحين

دلال : تنرفز.. ولا شي بس انسى 

محمد : شنو شقالت؟

دلال : تقولي ييبي تلفونج.. انا اخواني مايشوفون تلفوني !

محمد : اها جذي نظامها.. ليش شمسويه انتي؟

دلال : ولا شي عبالها احاجيك

محمد : على اساس انج تحاجين يدتي الحين.. احسن لاتقوليلها

علي : انت هد تلفونك فشلتنا قاعد بزواره وماسكه!لاحق عليها (ويطالع دلال)

دلال ضحكت وسكرت تلفونها.. 

"كلش ولا علي.. اذا قال شي اقول لبيه.. من عيوني.. على امرك.."

دخلت ساره.. وراحت صوب دلال 

ساره : ترا ماسوت شي هبه.. شدعوه عشان قالتلج جذي تنرفزتي! 

دلال : مادري بالغلط.. اهيه اختارت وقت غلط الله يهداها! 

ساره : جد فشلتيها.. روحي اعتذري منها

دلال : ليش اعتذر؟ اهي تيي تعتذر انا ماسويت شي غلط

ساره : نعم ؟ 

دلال ابتسمت.. 

ساره قامت واهي تتحلطم : الحمدلله والشكر ياهل ياهل

دلال لو ماكان علي موجود جان قامت وطقتها

كانت ماتقدر تزعل احد.. ولا تنزل دمعة احد.. بس الاشياء الي صارتلها قست قلبها…!

محمد على طول كلم دلال

محمد : دلولو عن هالحركات وروحي حق البنيه

دلال : مابي 

محمد : يالله عاد!

دلال :همم.. اوكي.. صج جنه فشلتها شوي؟

محمد : شوي؟ مصخرتيها يبا

دلال : ههه خلاص انزين بروح

 دلال طلعت، وشافتها ساره 

اشرتلها ان تدخل عشان تكلمها… 

دلال : مو من صجج هبو متضايقه!

هبه :…

دلال لمتها : يالخايسه انتي كلمتيني وقت غلط.. تدرين شكثر ناطرته انا

"محمد طلع وراها بدون ماتحس… سمعها… ابتسم من قلبه ودخل مره ثانيه"

هبه : حتى انا ناطرته.. فشلتيني ماشفته ماشبعت منه

دلال : انزين خلاص تعالي عاد

هبه : مابي..

دلال : يالله عاااد عشاني

هبه : لا والله؟ صرختي جدامهم كلهم شلون تبيني ادخل!

دلال : يبا خلاص عادي يدرون احنا خوات مابينا هالخرابيط

هبه : دلال قولي الصج.. تكلمينه؟

دلال : يبا شكلم فيه! انا شكو بمحمد! بس اهو.. 

هبه :.. ؟ (ناطرتها)

دلال : اهو شسمه.. هذا.. قايل حق خويلد ان راح يرد الاسبوع الياي

هبه : انزين ؟

دلال : بس صدموني ان يايين.. طلع متفقين مع اخواني عشان ييبونهم من المطار

هبه : اي اوكي.. عبالي بعد

دلال : انشالله ما اكلمه وانا احب اخوه 

دلال تدري انا غلطانه.. بس ماكانت تدري شتسوي.. صج كانت محتاجه احد يقولها

ويفهمها.. بس ماقدرت تقول حق احد!

دخلت دلال بعد ماراضت هبه.. ولا الكل يصرخ

" SUPRISSEEEE!" 

دلال اخترعت والكل غنالها!! 

Happy birthday to you.. happy birthday to dalol! 

وناستها ماتنوصف.. ماتوقعت مفاجأتين بيوم واحد!

بعد ما قصت الكيك.. 

امها : ها حق منو اول قطعه ؟ 

دلال ابتسمت : اول قطعه حق الي مسويلنا مفاجأه اليوم

محمد : ايابااه عاد حدي مشتهي كيك

علي : منو قدنا خلاص كل مره بنفاجأكم

دلال ضحكت.. ودتلهم الكيك 

محمد بصوت خفيف : تسلم ايدج يالكيكه

علي : كل عام وانتي بخير دلولو.. كبرتي هاا

دلال ابتسمت بحيا.. : وانت بخير وصحه وسلامه.. 

واختبصت بعدها وبين عليها

علي : يالخبل شسويت فيها.. انشالله مو جدامي!

محمد ضحك : شفتها شلون اختبصت

صارت الساعه 12.. دقو عليها رفيجاتها وهنّوها.. 

"ماصدق ان مرت سنه على هذاك اليوم.. فرق بين علي السنه الي طافت وعلي هالسنه

ماكان يطل بويهي.. الحين قالي كل عام وانتي بخير.. مابي هدايا ولا كيكه ولا شي.. بس هذا الي كنت ابيه!"

بالwhatsapp 

محمد : دلول بحطلج هديتج بالحمام انتي سوي روحج ماتدرين واخذيها، اوكي؟

دلال : امبي يايبلي هديه من صجك؟ بعد عمريي مشكوور!

محمد : للحين ماشفتي شي..

 راح وحطها، ويوم طلع من الحمام، دخلت وراه ولقت صندوق صغير

حطته بجنطتها ويت بتطلع.. بعدها استوعبت انه صندوق Tiffany !

بطلته بسرعه ولقت سلسلة infinity !!! 

كان ودها تصرخ وتلمه 

طلعت بسرعه : حمود!!! 

محمد ابتسم : عجبتج؟

دلال (واهي ماتبي احد يسمعها) : هاذي غاليه ليش كلفت على روحك!مشكوور!

محمد :ماتغلى عليج.. شرايج بذوقي؟

دلال : يهبل..مشكور وايد

محمد : العفو.. خشيها لحد يشوفها اوكي؟

دلال : اوكي.. اقولهم من رفيجتي محمده

محمد ضحك : انا محمده ها!! (ومشى)

دلال حيل كسر خاطرها.. "ليش يسوي فيني جذي؟ شلون اقوله اني احب اخوه!"