The story of her life part16

---part 16---

رن التلفون.. رنه.. رنتين

امنه بحيا : الو..؟

علي يقلدها : الو ؟

امنه ضحكت : علاويي

علي ابتسم : ياروح علاوي

امنه : ماحبك

علي : ولا انا.. وينج ؟

امنه : بغرفتي

علي : شتسوين

امنه : اطالع صورك 

علي : اي صور!

امنه ضحكت : مره صورتك وانت بالكلاس وانت ماتدري

علي : ايا الشقول عسى مومصورتني وانا نايم

امنه : لا كنت حدك منتبه

علي : اي طبعا وريتيها حق رفيجاتج ونشرتي غسيلي

امنه : لا.. اغار

علي ابتسم.. : ولهت عليج

امنه.. : وانا بعد

محمد : بخطب وحده.. 

دلال انصدمت حيل.. : صج!

محمد : اي انشالله.. حاطها ببالي من زمان

دلال :منو سعيدة الحظ 

محمد : همم فكري

دلال بحيا.. : يالله عاد

محمد : اول حرف.. هاء

دلال : منو يالله عاد قول

محمد : هبه.. 

دلال تنحت.. : اي هبه؟

محمد : رفيجتج

دلال : صج والله ؟

محمد ابتسم : اي!

دلال : اها.. تستاهل هبه.. من زمان تحبك

محمد : الفال لج انشالله.. 

دلال : عيل.. الحين مايصير تكلمني خلاص.. هبه بتصير حقك 

محمد : اي صح.. بس للحين ماصارت 

دلال : ميخالف.. ما ارضى على بنت عمي

محمد : ليش كنتي ترضين عليها من قبل وانتي تدرين انها تحبني؟

دلال سكتت.. 

محمد : ماراح اسمع صوتج بعد.. صح؟

دلال دمعت : لا.. 

محمد.. 

دلال : قبل لاتصكر.. بقولك شي من زمان بقولك ياه.. 

محمد حس بقلبه شي.. يعور حيل..

دلال كملت : مشكور.. انت وايد ساعدتني ووقفت معاي اكثر من الكل.. عمرك ماخليتني متضايقه.. 

تغار علي وتنصحني جنك اخوي.. 

محمد "جني اخوج.. صح… "

دلال : مشكور وايد حمود.. قصدي محمد.. بدعيلك وايد.. طلعتني من هم كبير كنت فيه.. 

محمد ماتحمل اكثر.. واهو عارف شنو الهم الي كانت فيه.. "شلون تحملت وسكتت واهي كانت تدري ان علي بيتزوج!"

دلال : وترا.. يمكن عبالك انا كنت استغلك ولا شي جذي.. بس لازم تدري اني اعزك وايد والله.. ابيك تدعيلي ان الله يشيل عني هموم الدنيا الي شايلتها.. والله يوفقكم انته وهبه يارب.. انشالله تظلون مع بعض وتحقق حلمها الي من زمان تبيه.. 

محمد : انتي وايد قويه.. الله يوفقج وانشالله ماتذوقين هم بيوم من الايام.. بس عاد لاتسوينها فلم هندي

دلال ضحكت.. : مع السلامه… 

محمد : مع السلامه.. 

دمعت عينه لاول مره.. "احبها وايد.. والله احبها! بس ماقدر اخليها تتعب اكثر.. اهي تحب علي وصعب تحب اخوه.. يارب وفقها وارزقها الي ينسيها علي.."

مو عيب ان الريال يبجي.. ولا غلط ان الريال يعوره قلبه.. 

كلنا بشر وكلنا عندنا قلب.. نحس ونتألم ونستانس.. 

اذا نزلت دمعة الريال مو معناته خسر رجولته.. ولا يسمونه "خروف"

ولا اهو تريف.. معناته ان خسر كل الدنيا.. 

ودلال كانت كل الدنيا حق محمد.. 

------

بعدها باسبوعين.. 

دلال بالصالون.. تتجهز حق عرس حبيبها

شوي.. وحطو "اليسا-عبالي حبيبي"

شلون اوصفلكم التعب الي حست فيه دلال ؟

كان ودها تصرخ.. تبجي وتروح حق علي.. 

تقوله انها تحبه.. تقوله انها ماتتحمل تعيش بدونه.. 

كانت الكوافيره تسوي شعرها.. قامت بسرعه من الكرسي وراحت الحمام.. 

بجت حيييل.. ظلت تبجي وتشوف صورته بتلفونها.. 

شسوي بصورتك عندي.. شسوي بكل هالاوراق

اذا يغنيك عني شي.. فلا شي عنك يغنيني

بالجابريه.. بصالون ثاني 

رن تلفونها.. 

هبه : هلا حبيبي.. 

محمد "خفيفه.. " : هلا يبا.. وينج 

هبه بدلع : انا بالصالون.. شوي واخلص

محمد : منو معاج؟ "يارب دلال معاج.."

هبه : انا وامي.. ليش؟

محمد : سلمي عليها.. وديري بالج على نفسج

هبه : انشالله.. وانته بعد 

"اذا دلال مو معاها عيل وينها.. معقوله ماتكلمها دلال عشاني؟ لا لا… 

انزين وين الاقي دلال.. وين الاقيها!"

دخل اكاونتها بتويتر.. لقاها كاتبه @ al****** salon

واخر تويته لها.. كانت 

"رحلت..!

سأكتفي بالنظر.. ولن انطق بحرفٍ واحد..

ربما دموعي أقل شيءٍ يعبر عمّا بداخلي،،! "

عوره قلبه حيل.. راح بالمكان الي ماكان المفروض يروحله

دور الصالون وماظل احد بالشارع ما سأله وين الصالون الفلاني

وقف جدام العماره الي فيها الصالون.. نطر نص ساعه وكل ماطلعت وحده يحاول يشوفها.. 

بعدها بدقايق.. طلعو بنتين.. شافهم وارتاح قلبه.. 

كانو دلال وساره.. 

دلال لمحته من بعيد.. وابتسمت

محمد نزل من السياره وراح.. واهو مايدري ليش سوا جذي! 

دلال تكلم ساره الي كانت معاها.. : نطريني بالسياره

ساره : اوكي.. (وراحت) 

محمد راح صوبها.. وظل ساكت

دلال : ليش ياي هني.. هبه مو بهالصالون

محمد : ها 

دلال ابتسمت : اكيد دلتك الصالون غلط

محمد : لا (وابتسم)

دلال : ؟؟!

محمد : بس بغيت اقولج.. لاتتضايقين

دلال نزلت راسها : الله كريم.. 

محمد : لاتبجين

دلال : انشالله.. 

محمد : مسويه تان ها 

دلال : اي هههه ملاحظ

محمد : شلون ما الاحظ 

دلال : ماتخاف اقول حق هبه ؟

محمد : ادري انج وايد احسن منها.. وماتقولين اسرار الناس

دلال : لاتقول جذي عن خطيبتك.. 

محمد استوعب.. : قمت اقط خيط وخيط 

دلال ضحكت : وايد.. 

محمد : اخليج انا.. لاتتاخرين على رفيجتج

دلال : متى بتملجون؟

محمد تنهد : بعد اسبوع

دلال : اها.. الله يوفقكم 

محمد : يالله روحي شوفيها قام تسبج 

دلال ابتسمت : دير بالك على روحك

محمد "يازينها من لسانج.. " : وانتي بعد حبيبـ… (وسكت)

دلال تدودهت : مع السلامه  (وراحت)

ركبت السياره واهو يطالعها.. 

حركت ساره ودلال لفت ويهها صوب الدريشه.. واهي دمعتها على طرف عينها

ساره : شقالج ؟

دلال : ساره يحبني وايد.. 

ساره : قالج ان يحبج؟

دلال : لا.. بس ماكو اوضح من جذي

ساره : اكيد هبه قايلتله.. هالسوسه

دلال : اذا صج اهيه الي قايلتله.. انشالله حوبتي ماتعداها

ساره : جان زين بس ضايقتج انتي بروحج.. قاعده تضايقه اهو بعد!

دلال : وايد ضعفان.. وويهه تعبان.. ادري ان مايحبها كلش

ساره : صج؟

دلال : ساره مايحبها كلش ! اصلا من قبل كل ماتكلمه يدقرها!

ساره : ليش بياخذها عيل؟ خلصو البنات؟

دلال : يبي يكسر راسي.. 

ساره : انتي مالج ذنب!

دلال بصراخ : اي بس شوفي هالحيه شقايلتله عني.. 

ساره بهدوء : تعلقتي فيه ولا حبيتيه؟

دلال : مادري.. احس اني احبه واحب اخوه بنفس الوقت

ساره : اخوه انسيه.. 

دلال : واهوه ما انساه؟

ساره : انتي اليوم مشاعرج متخربطه.. نطري لي بعد جم يوم لما تهدين

دلال ابتسمت : بعد اسبوع بالضبط ملجته.. بعد اسبوع بتصير هبه على ذمته! 

ساره سكتت… 

"يارب ارزقها بريال ينسيها كل همومها.. وينسيها علي ومحمد وطوايفهم.. يارب ريحها.. ما اتحمل اشوفها تعبانه اكثر.. "