---part 12---
دلال من بعد ماعرفت ان ساره تحب سلمان اخوها ماكلمتها...
ولا ردت على اتصالاتها.. فقدتها حيل
وساره تعبت وايد..
"العن ابو الحب.. بس ردي علي الله يخليج.. انا غبيه الي قتلها.. وغبيه الي حبيت اخوها!
اصلا عيب علي اقولها اشكره احب اخوج.. صج عيب.. لو اهيه تقول حق محمد انها تحب علي شنو راح يصير فيه؟ اكيد بتطيح من عينه!"
بالمدرسه تمر ساره يم دلال.. ودلال ماجنها تعرفها..
كل رفيجاتهم حاولو يعرفون شصاير.. بس ولا وحده تكلمت،
دلال مانست سنين الصداقه الي بينهم،
بس.. من كثر ما تحب ساره تخاف عليها تتعب وتنكسر اذا درت ان سلمان متزوج!
وتدري ان رفيجتها ماعندها اي سوابق.. اكيد سلمان اول حب بحياتها!
مرو شهرين بدون ماتفكر دلال تكلم ساره..
وقبل امتحانات الفاينل باسبوعين،
دلال بالزواره.. تسولف ويه بنات عمتها
هبه (شخباري) : دلولو هاج (وطلعت من جنطتها فلاش صغير)
دلال : بسم الله شنو هذا
هبه : ششايفه انتي؟ قنبله ؟ فلاش بعد شنو
دلال : انزين شحقه شنو فيه
هبه : مافي شي توني شاريته.. ابيج تحطينلي فيه صور فافي
دلال : اي فافي ؟ الكبيره ولا الصغيره
هبه : فافي الصغيره بنت اخوي يالقوطي (اسمها فاطمه.. ويدلعونها فافي)
*فافي ولا موجود ؟ مايضحك صح؟ انزين ضحكو مجامله*
دلال : اوكي تبين ملوت العيد ميلاد هذاك اليوم!
هبه : اي
دلال : اوكي تدرين لو يايبته الاسبوع الياي جان قطيته بويهج
هبه : ويعه ليش!
دلال : حزة امتحانات بعد ليش
هبه : اي صح نسيت انتي ماكله الكتاب
دلال : اخر سنه يمعود اكل الكتاب واهله بعد.. بس خنتخرج نفتك! بعدين هيي قولي ماشالله
هبه : ماشالله تففف تف
دلال تمسح ويهها : ويع ويع ماصدقت على الله (وتضحك)
(وقامت تلعب مع اليهال.. )
وصل لها وتساب من MOHD
"يالله متى تردين من الزواره بكلمج"
هبه شافته.. وماتكلمت!
بامريكا،،
توه طالعين من الكلاس.. نطرها لما تطلع ويه رفيجاتها..
طلعت واستاذنت من رفيجاتها.. وبحيا : نطروني ماراح تاخر
علي ابتسم.. وراح صوبها : شلونج ..
امنه نزلت راسها : بخير..
علي : ماكو شلونك؟
امنه ابتسمت.. : شلونك؟
علي : الحمدلله.. امم.. امنه
امنه : هلا
علي : بكلمج شوي.. بعيد عن اجواء الجامعه
امنه : امم.. وين ؟
علي : اي مكان.. عندج بعد كلاسات ؟
امنه : لا خلصت.. اليوم بس كلاس واحد
علي : اوكي.. تمام، لحقيني بسيارتج نروح اي كافيه
امنه : خلها يوم ثاني علي
علي : ليش؟
امنه : مويايه بسيارتي.. ييت مع رفيجتي
علي : ماقدر ااجل السالفه.. تبين اوصلج لي شقتج تاخذين سيارتج بعدها نروح؟
امنه : لا اهي بطاريتها مخلصه مادري شفيها ماتشتغل
علي : وشحقه مادقيتي علي! قتلج تبين اي شي قوليلي
امنه : لا عادي..
علي : عشان جذي كنتي واقفه امس وياه!
امنه : منو !
علي تنرفز : امنه قتلج اذا محتاجه شي قوليلي انا! ماتروحين تقولين حق اي واحد بالشارع
امنه : اها! قصدك عن الي كان لابس تيشيرت ازرق امس صح؟
علي سكت..
امنه : امبي علي لاتفهم غلط هذا ولد خالتي!
علي : ولد خالتج من متى يدرس هني
امنه : اي بس موبجامعتنا
علي : اها.. اوكي خلاص بس هذا الي كنت بعرفه
امنه ابتسمت : لاتتضايق.. المره اليايه بدق عليك
علي رفع حاجبه.. ماكان عاجبه كلامها! : يالله.. فمان الله
امنه تضايقت وايد.. "موكافي غاصبيني عليك.. تي وتسوي سالفه على شي ماله داعي! صج مو ناقصتك"
نرد لي الكويت..
طلعت عمتهم البوم قديم صارله 10 سنين..
الكل استانس عليه وقامو يشوفون صورهم واهم صغار..
لما وصل الالبوم عند دلال، خذته بدون ما احد يحس
راحت بصاله ثانيه.. محد كان فيها
حطت سماعاتها باذونها.. وشغلت موسيقى هاديه
بطلت الالبوم.. صوره ورا صوره.. لما لقت الصوره الي كانت تبيها
وتدورها من زمان..
صورة علي لام دلال، ومحمد ماسك ايدها
صورتها بتلفونها
دزتها حق محمد وابتسمت "ليش مانرد صغار.."
لقت صوره ثانيه، صورتها اهيه واهي تعض هبه
ضحكت عليها وركضت داخل توريها هبه
دلال : هبوون شوفي شنو لقيت
هبه شافت بدون ماتتكلم.. ابتسمت
دلال : امبي من صغري ماذيتج مسكينه مومخليتج بحالج
هبه : اي.. كله كنتي تاخذين مني الاشياء الي احبها (وقامت)
دلال "شفيها!"
ساره (بنت عمتهم) : شفيها هبه؟
دلال : شدراني! ماسويتلها شي هالمره
ساره : ودي اعرف شنو نايمين عليه
دلال : شرشف ومخده.. شعندنا يعني!
ساره طقت دلال عالخفيف : عطيني الالبوم يالله طولتي فيه وايد
دلال : ااي نطري خوو باقيلي شوي
يوم ردو البيت.. بطلت سكايب وظلت تسولف ويه محمد
محمد : شحقه عليوي لامج بالصوره يالي ماتستحين
دلال ضحكت : انا ما استحي ولا اخوك الي بس يلم بنات الناس
محمد : نطري بس خل نرد الكويت واعلمه
دلال : اي صح اذا رد الكويت وتزوج وين راح يسكن؟
محمد : مادري جنه قال بيسكن ببيتنا
دلال : وين اي صوب؟
محمد : يبي ياخذ الدور الي فيه غرفنا، والدور الي تحت يصير حقي انا وامي وابوي
دلال : وناسه.. بس عاد صور غرفكم قبل لايخربونهم
محمد : اي طبعا.. اهو بيني وبينج يعني ماودي يقعد ببيتنا بس عشان امي مسكينه
دلال : ليش عاد ! اخوك هذا يالمجرم
محمد : مو عن ياهبله.. بس مرته بعدين ماتاخذ راحتها
دلال "عنها ماخذت راحتها الله ياخذها انشالله وافتك منها"
دلال : مم..
محمد : انزين سمعي..
دلال : ها
محمد : ويعا يقولون هلا نعم امر شبغيت تدلل مو ها!! اكلم خويلد انا؟
دلال : هههههه خلاص كليتني.. هلا
محمد : ماولهتي علي.. شويه..يمكن.. ؟
دلال ضحكت : لا
محمد : جذابه
دلال : عاد تبي الصج.. ولهت عليك وايد.. يالله متى ترجع وتقول حق اخواني يودوني الشاليه
محمد : مصلحه! طول عمرج مصلحه
دلال : اتغشمر اتغشمر.. بس ماحب استحي
محمد : موقاعد اغازلج شكو تستحين
دلال : مادري جذي..
محمد : لحظه دلول.. بعد شوي ادق عليج ولا خليها باجر
دلال : ها شفيك شصاير!
محمد : لا ولاشي
دلال : لاتخرعني قول الصج
محمد : عليوي قاعد يدق علي.. اكلمج باجر
دلال نغزها قلبها.. : سلم عليه.. تصبح على خير
محمد : وانتي من اهله
"شفيه علي.. وليش حمود اختبص فجاه.. انشالله مافيه الا العافيه.. يارب احفظهم"
صارت الساعه 2.. كلمت هبه بالوتساب
دلال : هبون قاعده؟
هبه قرت.. وماردت
دلال دقت عليها..
هبه شالته وبنفسيه.. : شتبين دلال
دلال : انتي نايمه؟
هبه : كنت بنام
دلال : اها سوري ازعجتج
هبه : اوكي
دلال : شفيج اليوم؟
هبه : عقب ماكلمتيه وخلصتي وشبعتي منه ييتي تسالين شفيني؟
دلال انصدمت.. : ها؟ منو !
هبه : حبيبج !
دلال ضحكت : اي حبيب خليها على الله.. من صجج علي بيعطيني ويه ؟
هبه : فلمي اكثر بعد..
دلال : هبه شفيج؟
هبه : شفتي ماكو فايده فيه حولتي على اخوه.. تدرين ليش؟ لانج زباله
دلال انصدمت حيل.. ماردت!
هبه كملت وصوتها تغير : تدرين اني احبه! تدرين شكثر اتمنى كلمه منه!! تروحين تكلمينه بس عشان تحريني؟
عاد مادري ششايف فيج زود انتي ولبسج الهيلقي بس تدرين؟ مالت عليج انتي واهوه مو هاميني ولا هزيتو شعره فيني
دلال : موهامينج عيل ليش كل هالفلم؟
هبه بجت.. بجت حيل
دلال : مابصروخ عليج.. انا اكلم محمد… بس مابيني وبينه شي ولا احبه
هبه : جذابه.. ماصدقج…
دلال ضحكت : عنج ماصدقتي!
هبه : طحتي من عيني.. صج صج طحتي من عيني!
دلال : عسى ماتعورت؟
هبه بجت زياده : حقيره وطول عمرج ماراح تحسين
دلال : بعد شهرين راح تييني وتتاسفين مني
هبه : نعم ؟
دلال : نطري.. حسبيهم من اليوم.. شهرين،ويمكن اقل بعد
هبه سدته بويهها
*حبيت اوضحلكم شغله.. خطوبة علي وامنه محد يدري عنها الا الكبار.. وماقالو حق بناتهم،
ودلال هددتها امها ان ماتقول حق احد عشان لاتصير سالفه.. تعرفون مشاكل العوايل السخيفه..!
عشان جذي هبه للحين ماتدري شكثر دلال قاعده تتعب..*
No comments:
Post a Comment