---part 7---
مرت الايام والحلم انهدم.. لو ندمت الحين شيفيد الندم ؟
ما بقالي شي غير الله يعين..
ااه لو ارجع بعمري كم سنه.. كان اصير انسان ثاني مو انا
كان اصلح كل غلطات السنين..
خلصت زوارتهم وكل واحد رد بيته..
محمد وعلي من التعب نامو..
دلال ظلت سهرانه تفكر شلون تقول حق اخوانها بدون مايشكون فيها..
"انزين علي راح ايي ويه حمود؟ يارب يارب ايي… بشوفه ولهت عليه.. والله اشتقتله…"
"اليوم 2010/12/3
موقادره اصبر ودي اقول حق اخواني الحين..
ودي اشوفك علي الحين.. بس مابي اخوك ايي
اتعب لما اشوفه شيسويلي.. والله موبيدي.. !"
مذكرات دلال..
الساعه ٢ الظهر..
(انطق باب غرفة دلال)..
دلال : منو
…: انا سلمان
دلال : تعال
سلمان دخل.. : دلولو جهزي هدومج حق اليوم وباجر
دلال : حق شنو؟
سلمان : تسوين روحج ماتدرين؟ ادري انتي وحمودو متفقين
دلال : ها! شكو! وين حق شنو!
سلمان ضحك : اهو عادي.. بس لاتقولين حق امي خوفج ماترضى وتصير سالفه
دلال مصدومه : انت شدراك؟
سلمان : يعني تكلمينه؟
دلال توهقت : اي بس يعني وتساب خو سوالف عاديه
سلمان : غصبا عليج سوالف عاديه.. بس سمعي
دلال : شنو
سلمان : لحد يقص عليج.. دلال هذا انا نبهتج
دلال : شلون يعني!
سلمان : يعني تعرفين حركات الشباب.. اذا صدتج تكلمين احد بره العايله اقطع راسج
دلال : سلمانو تعرفني ماحب هالسوالف!
سلمان : كفو عليج اختي.. يالله قومي تجهزي مانبي نتاخر
دلال ابتسمت.. قامت ولمته : الله لايحرمني منكم..
سلمان : ويع وييع وخري !
دلال : شنوو!
سلمان : بس جذي ويع
دلال ضحكت : ويع انت ! مو مال شسمونه كلش اطلع بره
سلمان : انزين بطلع بس لاتسوين هالحركات (وضحك)
دلال : لحظه سلمانو منو بيي غيرنا؟
سلمان : بس خالد ومحمد
دلال : وعلي؟
سلمان رفع حاجبه : لا ماراح ايي!
دلال : ليش!
سلمان : مايحب تعرفين علي ملتزم
دلال : شنو برقص انا! الحمدلله والشكر
سلمان : عيوز عيوز! بس لاتحلطمين كيفه الريال
دلال صكت فيها الدنيا.. ليش يسوي جذي!!
لما وصلو الشاليه.. دلال دخلت وسلمت على محمد.. بعدها صعدت تحط جنطتها
كانت نفسيه حتى محمد استغرب منها!
دخلت غرفه من الغرف.. ماتدري حق منو بس دخلت..
باذنها السماعات ومشغله Justin Bieber - Up
*كان توه هابين فيه تذكرون*
بطلت باب الحمام بقوه وانصدمت
علي : وييعه انشالله دلالووو!!
دلال تيبست بمكانها!!
صكرت الباب بسرعه
علي طلع وراها على طول : يا ثوله الناس يطقون الباب مايدرعمون جذي!!!
دلال (اضحك ولا ابجي؟) : سوري علي والله مادري انك هني والله مادري!
علي : اشوه اني كنت افرش اسناني! لو شسمه جان رافسج يالشقول
دلال ضحكت : اسفه ههههههههه صج صج قالولي انك ماراح تيي!
علي : حشى فاتحه الاندلس مو باب حمام (وضحك)
دلال : امبي تصدق حتى جنطتك ماشفتها! انت بتنام؟
علي : يمكن.. اي غرفه بتنامين؟
دلال : مادري والله.. يصير خير بالليل
علي : ايه عدل.. (وراح)
لما نزلو قعدو يتغدون..
دلال : خالد ابي اجرب jet ski
خالد : دلال اكلي وانتي ساكته
سلمان : ليش عاد شفيها
خالد : شنو شفيها تبيها تنقلب يبلشونا فيها
دلال : شنو انقلب ياهل انا! انزين انت سوق بس ابي اركب عالاقل
خالد : يصير خير
سلمان : خلاص باجر اركبج مو اليوم
دلال : ليش عاد!
سلمان : مالي خلق الحين
دلال : امم اوكي..
"رن تلفون سلمان"
سلمان : دلول ييبيلي ياه عفيه ايدي وصخه
دلال : لا والله
سلمان : ترا ماكو جيت سكي باجر
دلال : لا لا خلاص كا قمت
محمد : مصلحجيه
دلال سكتت.. "صح كلامه…"
ودتله تلفونه بدون ماتعلق..
سلمان شاله : هلا يمه.. اي وصلنا من نص ساعه.. اي شنو قولي؟ خرعتيني شصاير! …
الكل شاف سلمان.. سكت فتره بعدها كمّل : انشالله الحين نازلين.. انشالله.. اذا صار اي شي خبريني
خالد : شصاير!
سلمان : يدي دخلوه العنايه!
الكل بصوت واحد : نعم؟ ليش!!
دلال : ليش شفيه من شنو!!
محمد : امس كان مافيه شي!
سلمان : ماقالتلي بالتفصيل بس تقول دخل بغيبوبه! من شنو مادري
خالد سكت..
علي : راح ننزل يعني؟
محمد : ماراح نسوي شي اذا حدرنا الديره بس هم لازم..
خالد : انزين نكمل غدانا ونرد..
دلال صكت فيها الدنيا.. "شفيه يدي؟ امس عطاني هديتي وماكان فيه شي.."
بعد الغدا دلال صعدت تييب اغراضها ومحمد وراها..
كانو ساكتين.. دلال شافته ودخلت غرفته
قعدت عالسرير وحاطه ايدها على خدها
محمد : شفيج جذي مبوزه ؟
دلال : احاتي بابا عود!
محمد : انشالله مافيه شي..
دلال : انشالله..
محمد : بتروحون المستشفى سيده؟
دلال : اتوقع
محمد : لبسي عدل موتروحين جذي
دلال : ليش شفيه لبسي
محمد : دلال مايصير يطلعون بشورت.. انتي بالكويت مو اوروبا
دلال ضحكت : اوكي ببدل الحين
محمد ابتسم..
من الشاليه لي المستشفى..
خالد واهو يسوق : دلول دقي على امي قوليلها شصار ووينهم خل نروحلهم
دلال : ماعندي رصيد
سلمان : خدامتنا فواتير وانتي للحينج.. هاج دقي من تلفوني
دلال ضحكت : يالله على ايدكم.. اشترولي خط يديد
خالد : لا خلاص شفيه الرصيد احسن صح سلمان؟
سلمان : اي اصلا وايد احسن لج خدماته اوسع
خالد : شكو ؟
سلمان : مادري بس خل تسكت
دلال ماتت ضحك : خلاص سكتو محد قالكم تطنزون
خالد ضحك.. : ساليها اي دور ها
دلال : اوكي
مر اليوم واهم بالمستشفى.. ماقدرو يسوون شي !
(مادري ليش تذكرت زوارة خميس ثاني حلقه لما كلهم بالمستشفى وفلم هندي:))
اليوم الي بعده..الساعه 7:30 المغرب
دلال كانت ترسم خريطه وتسوي واجباتها..
امها تشرب جاي وتشوف تلفزيون..
سلمان نزل وشافهم بالصاله..
سلمان : اا.. يما..
امه : ها يمه
سلمان : تعالي شوي بكلمج
دلال قامت : لما تخلصون قولولي
قعد سلمان..
امه : ها شفيك
سلمان : شصار على الشسمه.. مادقو عليج؟
امه : لا مايصير اهمه يدقون.. لازم انا ادق واقولهم شرايكم
سلمان : انزين متى تدقين؟
امه : انطر شوي وادق..
سلمان : دقي الحين يما
امه : شفيك مستعيل عاد انطر اثقل
سلمان : يماا !
امه : انزين خلاص لاتحن بدق.. موتطلع صوت!
سلمان : انشالله.. يالله
امه دقت.. رنه، رنتين.. انشال التلفون
بعد سوالف الامهات والمجامل.. سلمان شوي ويدخل بالسماعه يبي يعرف شيقولون
امه : هذي الساعه المباركه حبيبتي.. نتشرف فيكم والله..
سلمان اشر حق امه "شصار"؟؟!!!
امه سوتله حركة الاوكي..
سلمان حب راسها وقعد يرقص واهو يصعد
خالد شافه واهو نازل : ها وافقت ؟
سلمان حب راس اخوه : بتزوج قبلك حره حره حره
دلال طلعت من غرفتها.. صرخت : نعم ؟؟؟؟؟ بتتزوج ؟؟!!!
سلمان : اييي دلوووول بتزوج اخيرا تقدمت لها ووافقو اهلها مو مصدق دلووول
دلال ابتسمت : مبروك!
سلمان : يبارك فييج
خالد : استخف مسكين! كل هذا حب
دلال مسحت دموعها ونزلت مره ثانيه..
شافت امها..
دلال : يما ليش انا اخر وحده ادري؟
امها : لحظه شوي عمتج قاعده تدق علي
دلال حز بخاطرها حيل..
"اخته الوحيده ومايقولي ؟ انزين ليش! لاني صغيره يعني!"
ماركزت على سوالف امها وعمتها.. كانت تحل واجبها..
خلصت وجهزت جنطتها وسكرتها..
قامت بتروح.. سمعت هالكلام.. وياليتها ماسمعت..
عرفت باشياء لي هاليوم تتمنى انها ماعرفتها.. ماكان المفروض تدري..
ماكانت تبي تعرف اي شي.. مرت الايام.. والحلم انهدم..
امها.. "اوكي اعطيج ارقام الصالات ؟"
*اتمنى من كل وحده تقرا تعطيني رايها.. وشكرا ;*
@solikout
No comments:
Post a Comment