---part 18---
انطق الباب
ام علي : وي منو هذا مو لابسه حجابي انا
دلال : انا ابطل الباب (وراحت)
بطلت الباب و.. حست قلبها بيوقف..
كان علي بالبشت..
علي : السلام.. امي موجوده ؟
دلال : وعليكم السلام.. اي (وبطلت الباب اكثر..)
ام دلال : هلا هلا بالمعرس
علي ابتسم : هلا فيج خاله
ام علي : ها يمه شنو تبي
علي : ابي جنطة امنه تقول كانت حاطتها هني
ام علي : اي كاهي اخذها (وطلعتها)
علي : مشكوره.. تصبحون على خير
الكل : وانت من اهله..
لما ردت البيت دلال ويه امها..
دلال : يما ترى نسيت اقولج.. بطلع ويه خالد
امها : وين بتروحون هالحزه! الوقت متأخر
دلال : قال نروح عالبحر نسولف شوي..
امها : اها اهو شافج اليوم ؟
دلال : اي..
امها لمتها.. : ماما حبيبتي.. لاتضايقين عمرج انشالله بييلج ريال احسن من علي
دلال : دام انتو معاي ماراح اتضايق انشالله..
امها : عفيه عليج.. اخذي بطاقتج المدنيه قبل لاتطلعين
دلال ضحكت : اي صح زين ذكرتيني
خالد طلع من المطبخ بالظلمه : ها دلول شكثر يبيلج على ماتجهزين
دلال : امم عطني ربع ساعه
خالد : اووله ربع ساعه عاد! يالله زين خل اقول حق سلمانو
دلال : سلمان بيي ويانا؟
خالد : اي.. ماتبينه ايي؟
دلال استانست : لا بالعكس! اكو احلى من يمعة حظيرة الغنم؟ (وراحت)
خالد : طا هاذي تقول حظيرة ! تعالي يا الصخله انا اعلمج
امهم ضحكت.. : الحمدلله والشكر ميانين عيالي
مسحت مكياجها ولبست تيشيرت نص جم.. وجفست الجموم
وبنطرون nike.. لمت شعرها الكيرلي وحطته بكبه
قطت اكسسواراتها الا التيفاني.. ماتقدر تشيلها.. تحبها وايد
طلعت وراحت السياره وكانو سلمان وخالد ناطرينها..
اول ماركبت..
سلمان : زرعتينا!
خالد : شوفي طلعت ورده براسي (وداس)
دلال : هيي شوي شوي ترا مو سباق رالي
سلمان طل عليها : شاللبس هذا.. غريبه العاده تكشخين
دلال : مالي خلق..
خالد : ها وين نروح؟ البحر ولا المطار؟
دلال :ليش في احد بيسافر؟
خالد : لايبا
دلال : امم.. روح المطار احلى
سلمان : انتي بتفضفضين ولا تقزين؟
دلال : سلمان شلونك
سلمان : بخير عساج بخير…
خالد ضحك : احد يقز بهالهدوم انت الثاني؟
سلمان : شدراني انت الثاني
دلال : يمه منك
بعدها بدقايق، واهمه بالطريج..
خالد رن تلفونه : حمود شيبي داق هالحزه
(وشاله) : ها حمود
محمد : وينك
خالد : طالع
محمد : وين اي صوب
خالد : بروح المطار
محمد : منو معاك
خالد : تحقيق تحقيق.. انا وسلمان ودلول
محمد : اها.. سلم عليهم
خالد : تعال اذا فاضي
محمد : لا مايصير خلاص خلها يوم ثاني
خالد : اقولك تعال لا أشسمه الحين
محمد : مايصير اختك ماتاخذ راحتها
خالد طالع دلال الي سوت روحها مو مهتمه..
خالد : قتلك يالله امش.. ناطرينك
محمد : زين.. مسافة الطريج
(ولما صكره..)
دلال : بيي ؟
خالد : اي
دلال : امم..
لما وصلو.. راحو قعدو بستاربكس،
خالد : انا بدفع فواتيري عند فيفا نطروني ها
سلمان : تعال شنو اطلبلك
خالد : ها مادري بعدين انا ايي واطلب(وراح)
سلمان قام : مو تتحركين بروح اسلم على صاحبي وراد
دلال : طاع هذول خلوني بروحي!
بعدها بثواني..
محمد : منو هذا الي قاعد يخزج ويضحكلج
دلال اخترعت : بسم الله خرعتني! متى ييت
محمد : تسوين روحج ماتدرين (وقعد)
دلال شافت واحد بالطاوله الي قبالهم يخزها..
محمد : اذا ماقلتي منو هذا ترى الحين بقوم وادفنه
دلال : مادري والله ماد..
محمد : وين اخوانج؟
دلال : خالد راح يدفع فواتيره وسلمان قال بسلم على صاحبي
محمد : ما يتوبون
دلال سكتت..
محمد : ماتبين تاكلين شي؟
دلال : امبلا بس انطر اخواني
سكتو.. ومحمد سرح بسلسلة دلال
وتذكر احلى ايام مرت عليهم..
"طلع من المطار.. ودق عليها
قاعده بغرفتها.. متضايقه ودمعتها على طرف عينها..
فز قلبها يوم شافته داق.. شالته على طول
محمد بضيق.. : دلولو
دلال : للحين مارحتو؟
محمد : نادو على طيارتنا..
دلال : دير بالك على نفسك
محمد : الي يتحرش فيج قوليلي وايي الكويت اذبحه
دلال ضحكت : الحين هذا الي هامك؟
محمد : اذا انتي ماتهميني منو بيهمني؟"
شاف تلفونه.. ووراها صوره قديمه
دلال ضحكت : امبيييه للحين عندك!
محمد ابتسم : يعني شرايج
دلال : امسحهم!
محمد : ليش
دلال : اذا شافتهم هبه راح تزعل
محمد : ماراح تشوفهم
دلال : محمد ليش تسوي جذي؟
محمد : مادري.. بس صورج تضحكني
دلال : من صجي انا
محمد : وانا بعد من صجي
دلال : انزين ورني بعد شنو عندك
محمد وراها صوره ثانيه واهي راسمه على ويهها شنب وقفل..
دلال ضحكت : اي شي خاش هالصوره راح برستيجي
محمد : خليتي فيها برستيج انتي
دلال : لاتتطنز عاد ههههه
محمد : تصدقين جنج واحد من ربعي بهالصوره
دلال : احلف بس..
محمد وراها صورتهم لما راحو مركز سلطان.. "تذكرون؟"
دلال : الله.. احلى يوم
محمد : ابيه يرجع
دلال : نقدر نخليه يرجع!
محمد : شلون!
دلال : نروح الشاليه!
محمد : واخوانج وين نصرفهم؟
دلال : مو لازم نقولهم
محمد : صح.. باجر الظهر تجهزي
دلال : اقولهم بروح بيت رفيجتي ساره!
محمد : وساره تمرج.. وانا امرج من بيتهم
دلال : وقبل ما اطلع من بيتنا ازرق مفاتيح الشاليه!
محمد : اوش اوش كاهم يو.. نسوي روحنا مانعرف بعض
دلال مسكت ضحكتها : اوكي..
خالد : هاا المعرس متى وصلت
محمد : توني ماصارلي دقيقتين
خالد قعد : شفيكم ساكتين ؟
دلال طالعت محمد
محمد : مافينا شي.. يوعااان مو متعشي
خالد ضحك : حتى انت
محمد : ليش منو غيري
خالد : الاخت مابغت يطيح برستيجها بالعرس وماكلت عدل
محمد ضحك : ليش التفلسف؟ خو اكلي منو بيدري عنج
دلال : كلام الناس مايرحم
محمد وخالد بنفس الوقت : شكو
دلال : ههههه مادري.. المهم ابي بطاط
محمد : من اي مطعم؟
دلال : مايفرق كلهم يعورون البطن
خالد : اطلبلها كنتاكي خل تمرض يومين وتفكنا من حنتها
محمد : ياغالي والطلب رخيص (وقام)
دلال : طا هذا لا مابي كنتاكي ابي burgerking!
محمد : زين قومي وياي عشان لا نطول
دلال قامت : اوكي
خالد : انزين ليش النذاله جان رحتو قبل لا ايي
دلال ضحكت : محد قالك تخليني بروحي اول شي
لما بعدو عن ستاربكس.. محمد مسك ايدها،
دلال مسكته اكثر..
محمد : باجر راح يكون احلى
دلال ابتسمت..
محد فاهم ليش يسوون بروحهم جذي..
يمكن هذا الحب الصجي؟ مادري.. !
"احبها.. واموت فيها.. بس ماقدر اخذها واهي للحين تحب اخوي.. لازم اعرف اذا تحبني وتعلقت فيني ولا لا.. وبنفس الوقت باخذ حقها من هبه..
عسى يمرون هالشهور بسرعه.. والاقي نفسي ماسك ايدها بالحلال.. يارب"
"احس اني بديت اتعلق فيه.. اصلا افكر فيه اكثر من علي.. وبجيت على علي لاني متعوده على حبه.. مو لاني للحين احبه كثر قبل..
معقوله صج احب محمد.. يارب لا.. مابي اتعب اذا تزوج.. مابي يتكرر الي صار اليوم.. تعبت والله تعبت!"
قعدو ياكلون صوب burgerking
لما محمد خلص صمونته..
دلال : امبيييه!
محمد : شفيج!
دلال : خالد وسلمان !
محمد طق على راسه
قامت دلال : خنروح الحين يشكون فينا
محمد : انزين نطري يالجعصه بخلص بطاطي
دلال : اخذه وياك يالله تعال
محمد : مسكيه انتي انا بشيل بوكي وتلفوني
دلال : انزين.. (وخذته) شمسوي انت شالبربسه كجب ودنيا
محمد ضحك : امشي وانتي ساكته
دلال : انشالله عمي
راحو صوب خالد وسلمان..
خالد :لا حلفو.. جان نمتو بعد
دلال ضحكت : يعني تبينا نييب اكلنا هني من صجك
سلمان يكلم محمد : وانا عبالي خطفت اختي
محمد : هههه والله شسوي من شفتها نسيت الدنيا كلها
دلال انصدمت وطالعت محمد!
خالد : نعم؟
سلمان : خير ؟
No comments:
Post a Comment