---part 22---
خالد : ساره قالتلي انج مارديتي مع وحده من بنات النادي.. (وابتسم)
دلال خافت.. : انا ييت بدق عليك بس جهازي تصكر (صواريخ)
خالد : اي؟
دلال : جان تشوفني مدربه مالت السباحه كانت بتطلع.. وقتلها ميخالف ادق من تلفونج قالت اوكي
سكتت شوي.. وكملت : تذكرت اني اصلا موحافظه رقمك جان تقول تعالي اوصلج مايصير تظلين بروحج وبس
خالد : اها.. اوكي.. دلوله الحلوه تدرين اذا صدت انج مفلمه علي شيصير صح؟
دلال : مادري ولا ابي ادري هيهيهيهي
خالد حذف عليها المخده : انزين يالله امشي خل نتعشى.. ومره ثانيه كتبي رقمي يالخبله
(مشى واهو يتحلطم) اكو وحده بتدش الجامعه موحافظه رقم اخوها الحمدلله والشكر
دلال اندقرت : هيي لاتتطنز انا يالله حفظت رقم بيتنا !
خالد : الحين انتي مو صامه كتاب تاريخ كامل! ورقم اخوج يالقوطي!!!
دلال : ترا ما اسويلك حليب ككاو وبعدين قول لا اله الا الله !
خالد : انزين خلاص لا اله الا الله ماقلنا شي
دلال : صيده انت
خالد ضحك وشاتها : صيده ويهج اخوج الكبير استحي على ويهج
*اكيد بقلبكم خالد صيده صح؟ خالد يدري دلول عندها بلاوي وساكت عنها.. لان بلاويه اقوى منها..
وتقدرون تقولون كان شوي خايف ان تفضحه اذا طقها او زفها.. كل واحد خاش عن الثاني*
بالطريج.. سرحان ويفكر
"انا شقتلها ؟ جني تسرعت.. المفروض اقول حق خالد او ابوها اول.. بس لا لازم تعرف ليش.. لازم تدري اني احبها
خلاص طقت جبدي يادلال يابلاها زواج.. انا اهبل الي خذيت المسعده الي بالبيت.. فرق بينها وبين دلال… مادري شلون خذيتها (طق على راسه)"
عالعشى..
دلال : خويلد.. شلون عرفت رقم ساره ؟
خالد : من تلفونج القديم
دلال : شكو تبطله !
خالد : الحين ماتقول حق نفسها طالعه بدون ماتقولي!
دلال : انزين.. وشنو قالتلك؟
خالد : قالتلي شلونك حبيبي شخبارك.. فتنت عليج بعد شنو
دلال : هههههه يالمينون والله شقالت
خالد : شدراني ماثبتت بس واضح غطت عليج وفلمت
دلال : انزين موتدق عالبنت وتفشلني
خالد : شبي فيها انتي الثانيه
دلال : اي عبالي بعد!
خالد "جنه خوش فكره.. "
لما خلصت العشا وصعدت دارها.. دقت على حسن،
رنه.. رنتين.. وشاله
حسن بصوت غصب ينسمع : الو..
دلال : حسن؟
حسن : هلا دلال.. شبغيتي
دلال : سوري انت نايم؟
حسن : لا بس شتبين
دلال : بغيت اقولك على باجر..
حسن : شفيه باجر
دلال : مشكور ترى اخوي رد البيت واهوه بيوصلني
حسن : اوكي خلصتي؟
دلال اندقرت : اي!
حسن : مع السلامه.. ماقدر اكلمج الحين اسف
دلال : مع السلامه!
"شفيه هذا؟ اهبل؟ كل ساعه مزاج.. لا يكون معاه احد ومايبي هالاحد يدري.. الله يستر"
وصلها مسج..توقعت ان حسن يعتذر منها، او محمد بيسمع صوتها
بطلته وانصدمت!
"مبروك.. بتحصلين الي تبينه اخيرا
يا انا يا انتي.."
شصاير؟؟!!!!
بمكان ثاني، دخل البيت واهو يضحك
امه شافته : يه يه محمد اول مره الضحكه شاقه ويهك!
محمد : ايييه يمه.. الحمدلله
علي : شنو ضحكنا وياك (وامنه يمه.. )
رن تلفون بيتهم.. شالته امهم
محمد ابتسم..
امه صرخت : شنو!! شصاير فهميني يا ام يوسف! (ام هبه)
علي قام : شمسوي يالغبر؟
امه : يا ام يوسف تعوذي من ابليس خلينا نفهم شصاير بينهم!!!.. الو! "سدته بويهها"
محمد : انا مالي شغل… هههههههههه
امنه خافت "شصاير شالعايله الي انقردت فيها!"
امه : برد قلبك ؟ طلقتها وارتحت؟
محمد.. اي الحمدلله وانشالله باجر الورقه توصلها
علي : انت خـ** عبالك بنات الناس لعبه ؟
امه صرخت.. وكانت اول مره تصرخ على عيالها!
: ياحم**!!!!!! انت شنو من بشر شنووو؟ ماصارلكم شهرين عشان تطلقها؟ شصار بينكم الي طلقتها؟ منوو الي لفت راسك!!!!
محمد : لو سمحتو لاتصرخون.. ماتعرفون ظروفي ولاتعرفون اسبابي لاتسوون كل هذا
علي : جب ولا كلمه! يوم انك تحب دلال وتبيها ليش ماخذيتها من الاول؟ ليش!!!
امه انصدمت.. : دلال ؟ اي دلال! دلال بنت عمك؟ تروح تتزوج رفيجتها ليش؟ من متى تخش علي محمد ؟!!!!!
شلون احط ويهي بويه اخوي.. شلون.. وشذنب الفقيره الي ردت بيت اهلها مكسوره؟
محمد قام : مومهم.. المهم ان ابي دلال الحين
امه : لعبه البنات صح ؟ ماتخاف من ربك؟ وعبالك بيرضون يزوجونك دلال عقب سواتك الودره؟
محمد صرخ : يمه هالفقيره الي قاعده تدافعين عنها يوم من الايام رفعت السماعه وكلمتني.. (نزلت دمعته..)
علي : امنه صعدي فوق..
امنه قامت بدون ولا كلمه!
محمد كمل : تدرين شقالت ؟ قالتلي شي عن دلال اي واحد بمكاني مايحب يسمعه.. فضحت رفيجة عمرها الي ربت وياها!
امه : وليش تزوجتها يوم انها فضحتها؟
محمد : ابرد قلبي شوي.. ارتاح.. واريح دلال (وقام)
علي : وين رايح!
محمد حب راس امه : يمه لاتزعلين مني.. وان دقت عليج امها قوليلها بنتج قذره ويت فضحت دلال (وطلع…)
مرت الاسابيع.. والعايله تفرقت! وهبه انفضحت
الكل صف مع محمد.. لكن ظلو محتارين.. شنو الشي القوي الي قالته عن دلال؟!
وايد حاولو يعرفون من هبه ومن محمد، بس محد تكلم
خصوصا هبه.. الي كان مهددها محمد عدل..
وين حمود قبل ووينه الحين؟ كل هذا عشان عيون دلال؟ يابختج دلولو..
رجعو ام دلال وابوها من السفر وانصدمو من الي صار.. وابوها عرف انها كانت تحب علي
مازفها ولا قالها شي.. كان فخور ببنته! ما اعترفت ولا نزلت مستواها عشان علي..
وبيوم.. قعدت ام دلال مع خالد
امه : يمه خالد.. اذا تقدم محمد رسمي حق دلال راح توافق؟
خالد : اكيد بوافق يمه! وبعدين الراي الاول والاخير لج انتي وابوي انا مالي شغل
امه : بالعكس انت اخوها الكبير وتعرف محمد اكثر من الكل
خالد : اذا علي انا صراحه ماراح القى واحد احسن من محمد حق دلول..
امه : ماتخاف يطلقها؟
خالد : حمود؟ مستحيل.. صدقيني بيعيشها ملكه!
امه : شضمنك؟
خالد : اعرفه عدل..يمه يخاف عليها اكثر مني ومنج
امه : هو شدراك !
خالد : شايفه السالفه الي سواها كله عشان ينتقم حق دلول؟ تكفه في ريال يسوي جذي الحين؟
امه : اي.. بس جنه كبر الموضوع ؟
خالد : يمكن.. بس زين يسوي بالوصخه هبه.. منو اهيه عشان تقول هالحجي عن اختي!
وحتى لو كانت دلال تحب علي مو شغلها اهيه!
امه : اخاف دلال تتعب ويه محمد.. وخصوصا انها راح تشوف علي وايد
خالد : البنات ينسون بسرعه لاتخافين.. بعدين هذا حب مراهقه بس
امه : انشالله! الله يكتبلهم الي فيه الخير يارب
دلال نزلت الصاله لقت خالد وامها
خالد : ها خلصتي؟
دلال : اي يالله بسرعه بعد ربع ساعه التدريب
خالد : انزين يالله مشينا.. توصين على شي يمه
امه : لايمه سلامتكم الله الحافظ انشالله
دلال : يما ترا اليوم بنام عند سارو برد وياها
امها : مو فشله كل يومين عندهم؟
دلال : لا لا عادي اخوانها موموجودين
امها : على راحتج! سلمي عليها
دلال : انشالله يوصل يالله باي
وصلها النادي.. ولقت حسن توه نازل من السياره !
خالد : اوه هذا حسنو!
دلال خافت وتوهقت.. : كابتن حسن؟ شعرفك فيه
خالد : رفيجي من الثنوي شلون شعرفني فيه (ونزل)
دلال"وليين يعني لازم لازم.. "
مشت اسرع منه ويوم قربت من حسن قالتله بصوت خفيف : لاتقوله انك تدربني..
خالد : ماتبين امرج اليوم؟
دلال : لا خلاص ارد ويه ساره
خالد : اوكي ديري بالج..
وراح صوب حسن.. : هلااااا بوالعلوه
حسن : هلا والله بووليد
"وسولفو شوي.."
خالد : انت شتدرب؟ ماقتلي يالاثول
حسن : اي ههه (توهق) ادرب اسكواش سلمك الله
خالد : اهاا عدل عدل.. بس مالقيت الا هالرياضه البايخه عاد
حسن : لاا بالعكس
خالد: يعني تنصحني ادخل؟
حسن : والله اي خوش رياضه بس ماراح ادرب انا.. راح ايي واحد غيري (صواريخ)
خالد : لاجذي ماينفع قلت نشوفك
حسن : اي هههه بعد شنسوي
خالد : يالله عيل اخليك ما ااخرك
حسن : خلاص نشوفك بالديوانيه هالثلاثا مرنا ملينا من ويه حمود
خالد : هههه انشالله
راح حسن.. بيدخل النادي لقى دلال عند الباب
دلال : شقالك ؟ ماقتله شي؟ ليكون قتله تدربني!
حسن ضحك : لا ماقتله بس ليش!
دلال : اوف اشوه!
حسن : انزين.. على ذاك اليوم..
دلال توترت..
ولا.. دانه : كابتن انت اهني واحنا سنه ناطرينك
حسن حقرها ودخل..
دانه تكلم دلال : شفيه هذا؟
دلال : مادري.. (ومشت)
عند علي وامنه..
علي : شكثر بتطولين مع رفيجتج ؟
امنه : ساعتين وارد انشالله.. ماراح اطول حبيبي
علي : اوكي.. ديري بالج
امنه : وانته بعد
علي : اول ماتوصلين دقي علي
امنه : اوكيك.. لاتوصي (وراحت) يالله بيباي
علي ابتسم.. : حافظج الله
طلعت امنه وداست.. راحت المرينا
وقعدت واهي خايفه.. ومتوتره!
شافتها يايه من بعيد وزاد توترها..
واول ماوصلت لي الطاوله.. هبه سلمت عليها ببرود
امنه : شلونج الحين هبون؟
هبه : الله كريم..
امنه : ميخالف تقوليلي شنو الشي المهم ؟ ترى جد قاعده على اعصابي واحاتيج!
هبه : لاتستعيلين وايد.. ماراح يعجبج الي بوريج ياه
امنه : ليش!
هبه ابتسمت وطلعت اوراق.. مدت ايدها حق امنه!
بالنادي.. خلصو التدريب والكل طلع.. الا ساره ودلال والكابتن
ساره : بفهم شتبين فيه الحين؟
دلال : سكتي شوي.. كا اخيرا الكل راح الحين اقدر اكلمه
ساره : انزين شبتقوليله ؟
دلال : بعدين اقولج نطريني بالسياره ماراح اطول
ساره : هي انتي اخاف عليج!
دلال : اقول! ذاك اليوم وصلني اشوف ماخفتي علي!
ساره : ذليني اكثر ذليني (وقامت)
حسن راح صوب دلال.. : شفيها ؟ (ويطالع ساره)
دلال : تتدلع
حسن : اي.. اووه صح!!!!
دلال : شنو!
حسن : بغيت اكلمج اول شي بس الهبله خربت علي
دلال : شنو كنت بتقول..
حسن : بغيت اقولج يعني اسف لان صرفتج بسرعه
دلال : لاعادي
حسن مسك ايدها.. دلال انصدمت ووخرت بسرعه : انت هي شفيك!
حسن مسكها اقوى : شنو هي؟ منو انتي الي تكلميني جذي؟
دلال دمعت عينها وخافت حيل.. : ماتخاف اقول حق اخوي؟
حسن : ماتخافين اقوله انج طلعتي وياي؟
دلال : شتبي مني
حسن هدها.. وركضت بسرعه
"انا شقاعد اسوي! شتسوى علي لو قالت حق اخوها.. حزتها بيصدقها ماراح يصدقني"
شفيه حسن؟ استخف ؟ مريض؟ الله اعلم
ركبت السياره واهي تبجي حيل..
ساره اخترعت : دلال.. ؟ شفيج!
ماردت..
ظل فيها كلام؟
دلال : ساره وديني بيتنا (واهي تشاهق)
ساره : دلال حبيبتي شفيج؟ كابتن حسن سوالج شي
دلال : لا.. وديني بيتنا
ساره : انشالله! لاتبجين خلاص! (ومشت)
دلال شافت حسن عند سيارته.. وكان يطالعها فتره!
"ليش سوا جذي؟ شنو يبي مني.. معقوله من ربع خالد الي رايحين فيها؟"
وصلو بيتهم..
مسحت دموعها ونزلت..
اول مادخلت شافت امها عند الباب بتطلع
دلال : سلام يمه..
ساره : سلام خالتي
امها : وعليكم السلام هلا حبيباتي..
دلال : بتطلعين؟
امها : اي بروح الجمعيه اخذ جم شغله.. عقب باجر انا وابوج مسافرين ترى
دلال تنرفزت : اوكي.. الله معاكم
ساره حست ان دلال تضايقت.. !
امها : اي صح.. ترى هبه يت قبل ساعتين وخذت جم شغله تقول كانو ملوتها
دلال : نعم؟
امها : يمه بعد اوراقها لازم تاخذهم!
دلال : يما ماعندي شي لها!!!
امها : عيل الي خذتهم شنو؟
دلال صرخت : انا معطيتها كل شي من اول ماتزوجت لييش تخلينها تدخل غرفتي ليش بكيف منو!!!
امها : لاتصرخين مو اصغر عيالج انا! احترمي نفسج وبعدين انا شدراني عنج شسويتي!
دلال : اي طبعا! طبعا ماتدرين شصاير كله هايته من ديره لي ديره ولاتدرين بنتج شتسوي.. تدرين اذا صار فيني شي ؟ انتي السبب
(وركضت غرفتها..)
ساره راحت وراها واهي حاسه روحها ضايعه..!
طلعت امها من البيت معصبه..
راحت دلال وبطلت صندوق صغير.. صندوق مهم وايد
فيه صور علي.. اغاني واشعار.. وخواطر كتبتها..
كان اغلى صندوق على قلبها.. كان؟ فعل ماضي،،
بطلته.. وانصدمت! صرخت صرخه عمرها ماصرخت نفسها..
طلعت تلفونها وبسرعه دقت على علي..
عند علي.. قاعد بالديوانيه مع اخوه
شاف رقم غريب، بس مار عليه!
علي : حمود تعرف هالرقم ؟
محمد شافه وفز.. : ليش داقه عليك؟
علي : منو اهي!
محمد : دلال
علي : مادري.. (وشاله)
دلال : علي امنه وينها؟
علي : الناس تسلم اول
دلال واهي منهاره : علي قولي امنه وينها…
علي : شصاير ليش؟ اهي مو معاي
محمد حس ان في شي..
دلال : اهيه مو مع هبه؟
علي شك.. : ما اتوقع! ليش بتطلع وياها؟
دلال : امانه علي.. الله يخليك ابوس ايدك قولي وينها
علي : قالتلي بيروحون المرينا.. لينوتر
دلال : اوكي مشكور
علي : دلال لحظه قوليلي شصاير!
دلال : موصاير شي (وسدته)
ساره : وين؟
دلال : لينوتر المرينا
ساره : امشي.. ماراح اخليها تنام الليله بدون لا ابجيها
دلال قامت واهي براسها الشر..
No comments:
Post a Comment