---part 21---
حسن : عطيني رقمج عشان اقولج متى بالضبط بطلع
دلال : اي اوكي سجله.. 99..
حسن ابتسم : يالله نشوفج باجر..
دلال : انشالله مشكور وايد كابتن.. قصدي حسن
حسن : العفو شدعوه.. يالله دخلي لحد يشوفج
دلال : اي صح.. يالله باي(وراحت..)
دخلت وركضت غرفتها واهي خايفه..
"شاللي قاعده اسويه انا؟ انشالله ما اطلع مع واحد ماصارلي جم اسبوع اعرفه!
امبيه.. دلال عقلي.. الله يخليج عقلي"
تسبحت ولبست عالسريع وسوت شعرها.. دق عليها محمد
دلال : سووري كنت انشف شعري ماسمعت
محمد : خلصتي؟
دلال اندقرت : اي
محمد : زين نزلي يالله زرعتينا
دلال : اوكي كاني يايه
اول ماركبت السياره،
محمد شافها مده بدون لايتكلم..
صارت عينه بعينها وحست شكثر تغيرو عن بعض..
دلال : شلونك.. شمسوي بدنيتك
محمد ابتسم : الله كريم..
دلال : علي شلونه وشلون مرته
محمد : بخير الحمدلله
دلال ابتسمت..
محمد : لازم اكلمج بموضوع ضروري.. وين تبين نروح؟
دلال : مادري.. كيفك؟
محمد : اوكي بس بصب بنزين اول ونروح..
دلال : اوكيك..
محمد : انزين.. شسالفة النادي هذي
دلال : ماكو سالفه.. بس مليت ودخلت
محمد : وفي شباب؟
دلال : اي
محمد سفط يمين ولف عليها.. دلال ضحكت
محمد : صج والله ؟
دلال : عادي صغار يعني!
محمد : جم عمرهم؟
دلال : مادري 18 و19 جذي
محمد ضحك : ماجربتي كف على ويهج؟ هذول صغار ؟
دلال : ههههههه اي انا شكو فيهم
محمد : من تزوجت مادري شصار فيج ينيتي
دلال : اي لاحظت هههه
محمد ابتسم.. ومشى
وقف سيارته عالبحر وظلو قاعدين..
حط موسيقى هاديه..
محمد : الحين صج لازم نتكلم..
دلال : اوكي..
محمد تبلعم.. : دلال..
دلال حطت عينها بعينه..
محمد : اذا.. امم.. اذا تقدمتلج.. توافقين؟
دلال : !!!!!!!!!!!!!!!!!!…
بعيد.. ببيتهم
دخل خالد البيت واهو يصرخ : دلااال.. دلووول
الخدامه طلعت : دلال مافي بيت
خالد : وينها!
الخدامه : مايدري اهيه يروح مع سياره
خالد : منو ؟ رفيجتها ساره؟
الخدامه : ماشوف انا مايدري
خالد : زين سياره اي لون ؟ ابيض؟
الخدامه : سياره كبيره اسود
خالد ركض غرفتها ولقى تلفونها القديم.. بطله وخذا رقم ساره..
رنه.. رنتين
ساره : الو ؟
خالد : الو.. ساره ؟
ساره : منو!
خالد : انا خالد اخو دلال..
ساره : هلا خالد
خالد : دلال يمج ؟
ساره : لا ! ليش وينها ؟
خالد : ما ردت من النادي معاج ؟
ساره : لا ماقالتلي ويه منو بترد!
خالد : صارلي سنه ادق عليها جهازها مصكر! وموموجوده بالبيت تتوقعين ليلحين بالنادي؟
ساره : لا لا النادي من ساعه ونص خالصين!
خالد استخف.. : دقي على رفيجاتكم بالنادي سأليهم وينها الله يخليج!
ساره : انشالله الحين ادق واقولك!
بعدها بخمس دقايق ردت دقت على خالد..
خالد : ها وينها!
ساره : وحده معانا تقول ظلت دلال بروحها.. وقالتلها اوصلج جان دلول تقول لا اخوي بالطريج!
خالد : انا اوريها.. خل ترد البيت بس ادفنها
ساره : خالد لاتتسرع يمكن..
خالد : يمكن شنو؟ طالعه ويه واحد؟
ساره : امبيه لا دلال مستحيل! لو في واحد جان قتلك بس والله دلال ماتسويها وتطلع ويه غريب!
خالد : عيل وينها! خطفوها يعني؟
ساره : اسم الله عليها لاتفاول!
سكت فتره.. وبعدها
ساره : خالد.. دق على محمد
خالد : اي محمد!
ساره : محمد ولد عمتكم الي قبل فتره تزوج!
خالد : دلال من متى تطلع ويه محمد !
ساره : مادري بس اقول يمكن يعني!
خالد : انزين الحين ادق..
ساره : اوكي عفيه طمنني !
خالد :اوكي!
عالبحر..
دلال مصدومه..
رن تلفون محمد : لاتطلعين صوت (وشاله)
محمد : الو ها خويلد
خالد : دلال معاك ؟
محمد طالع دلال وانصدم : لا
خالد : حمود لا تجذب دلال معاك ؟
محمد : ليش خوفتني عليها وينها؟
خالد : ادق عليها جهازها مغلق ومادري وينها!
محمد تنهد.. : معاي..
خالد صرخ : انت حماار يابن الك** وين ماخذ اختي هذا وانت متزوج تسوي هالحركات
محمد : خالد لاتصرخ ماقربت صوب اختك بس قاعدين نس..
خالد : كل تبن وقولي وينكم بسرعه
محمد : الحين اييبها
خالد : قتلك وينكم؟
محمد : عالبحر
خالد : عطني الحماره الي يمك
محمد عطاها التلفون..
دلال : خالد لاتزف وال..
خالد : مابسمع صوتج.. ردي البيت وانا اعلمج..
دلال : كنت بقولك اني طالعه بس تلفوني خلص شحنه!
خالد : تطلعين ويه ولد عمتج المتزوج؟ مو متربيه انتي؟
دلال : خالد والله موقاعدين نسوي شي غلط والله
خالد : كل هذا موغلط ؟ اقل من ربع ساعه وانتو واصلين البيت واذا طولتو لي معاج حساب ثاني (وسده بويهها)
طول الطريج ولااحد تكلم.. ودلال خايفه من اخوها.. !
عند خالد..
دقت عليه ساره، شاله واهو متنرفز
ساره : ها بشر لقيتها؟
خالد : اي..
ساره : وينها!
خالد سكت..
ساره : مع محمد صح؟
خالد : مشكوره ساره.. سودت ويهي والله
ساره : خالد لاتطقها.. ادري ان دلال ماتسوي شي ومحترمه
خالد : كل هذا وماطقها؟
ساره : تذكر يوم كنت تخليهم بالشاليه بروحهم؟ دلال عبالها ان عادي عندك عشان جذي راحت!
خالد : بس الحين غير! الحين محمد متزوج!
ساره : مومشكله بنت خاله موغريبه!
خالد سكت..
ساره : صدقني لو تدري انك ماترضى جان ماراحت
خالد : عدل كلامج.. مشكوره
ساره : العفو ماسويت شي..
فكر بينه وبين نفسه.. وحس ان اهوه الغلطان من البدايه
ظل كلام ساره باذنه.. وسرح واهو يشوف رقمها
دقايق ودخلت دلال واهي خايفه..
خالد شافها : وين محمد
دلال : بره..
خالد طلع : زين قولي حق الخدامه تحط عشى على ما ايي..
دلال : اوكي!
طلع خالد حق محمد واهو ماجنه خالد الي توه مسح فيه القاع
ركب السياره و..
خالد : اسف حمودو سفلت فيك توه.. من الاعصاب ماقمت اثبت
محمد منصدم : انا توقعت تدخل تعطيني كف اخر شي تقولي اسف
خالد ضحك : جب
محمد : انا الي اسف والله..
خالد : لاتعيدها ها تراك متزوج الحين وفي وحده على ذمتك
محمد : والي يعافيك بس..
خالد : ها مطلعتلك قرون؟
محمد : ماقدر اتكلم عن وحده على ذمتي..
خالد : كفو.. زين امش تعشى ويانا
محمد : لا بروح الديوانيه تاخرت.. بالعافيه
خالد : اشوه جيس التوست مافيه الا اربع توستات
محمد ضحك : يوم انك موقدها شكو تعزم
خالد : مادري يعني اصول عرفت شلون
محمد : زين اذلف يابو الاصول خل اروح شلخوني واهم يدقون
خالد : بعد احسن (وطلع) سلم عالربع انشالله هالاسبوع امركم
محمد : اذا بتروح عطني خبر خل اكون موجود
خالد : خلاص اوكي.. يالله سلام
محمد : بالي مايحفظك (ضحك ومشى)
خالد دخل وصعد غرفة دلال..
طق الباب ودلال نقزت
راحت من ورا الباب : ابطله بس ماتطق؟
خالد : بطليه بكسر راسج
دلال بطلته واهي تضحك : والله اسفه ماعيدها
خالد عطاها بكس عالخفيف : انزين درينا خلاص
دلال : زفيته ؟
خالد : شزف فيه ريال طول عرض.. بس عبالج بتطلعين منها جذي؟
دلال : شفيك شنو!
خالد : منو يابج من النادي؟
دلال : ها!
خالد : ساره قالتلي انج مارديتي مع وحده من بنات النادي.. (وابتسم)
دلال خافت..
