---part 10---
على الساعه 10:45 .. اتصل خالد على دلال،
دلال طلعت بره الازعاج وشالته.. : هلا خويلد
خالد : ها دلول وينج
دلال : عند رفيجتي
خالد : اي رفيجه؟
دلال : قصدي بنت خالة رفيجتي
خالد : وشكو رايحه ؟
دلال : مسويه عيدميلادها وعازمتنا بعد شنو
خالد : انزين متى تردين
دلال : مادري انا يايه مع رفيجتي يمكن اهي تقطني
خالد : لا مايصير عطيني عنوان بيتهم والحين ايي امرج
دلال : الحين!! تو الناس ما خلصت الحفله !
خالد : عيب فشله تطولين بيت الاوادم! اهم وين بيتهم؟
دلال : بالسره..
خالد : يم بيت خالي جاسم ؟
دلال : اي حده قريب منهم
خالد : زين دزيلي عنوانهم عطيني نص ساعه اوصل.. يعني موالحين راح ايي
دلال : اي زين اوكي الحين ادزلك
خالد : وخففي مكياجج وحمرتج اذا بتطلعين
دلال استغربت.. : اوكي.. !
"خالد قام يغار؟ سبحان مغير الاحوال… شصاير بالدنيا.. خففي مكياجج وحمرتج مره وحده! فيهم شي موطبيعي اخواني.."
دخلت واهي طاقتها البوهه..
ساره : شفي ويهج منصفق جذي
دلال : ودي اكل تبوله بس اخاف.. البرستيج عرفتي
ساره : اكلي ولاتسولفين ويه احد.. قعدي بروحج!
دلال : شنو توحد؟ مينونه؟
ساره : انزين شكو التبوله بالبرستيج؟
دلال : مادري؟ ريحة بصل !
ساره : دلال ويع!
دلال : بصل ويع؟ وخري عني مورفيجتي ولا اعرفج انزين
ساره : انزين يدتي بس لاتفشلينا
دلال : ها؟ اي..
ابرار راحت صوبهم : تعالو رقصو وياي
دلال نزلت راسها : استغفرالله..
ساره ضحكت وابرار طالعتها : شفيج ترا موكافره والله! عيد ميلادي بستانس
ساره : لا لاتفهمينها غلط.. اهي جذي ماتحب هالسوالف
ابرار : ماتحبين ترقصين!!
دلال : ريلي مايرضى
ابرار : انتي متزوجه؟
ساره ضحكت زياده : يالصيده.. ماتحب ترقص بعد شنو
ابرار : ها ؟
دلال : شلون يرقصون؟
ساره : لا ؟ تسوين روحج ماتعرفين؟
ابرار : من صجج ماتحبين ترقصين دلول؟
دلال : احب يعني بس.. بروحي بغرفتي اوكي بس جدام الناس فشله
ابرار : شنو فشله!
ساره : دلال دايخه قام تقط خيط وخيط.. امشي انا وياج (وقامت)
لما راحو بعيد شوي..
ابرار : ترا رفيجتج هاذي غريبه مادري شلون صايره!
ساره : ترا تستعبط! رقصها اينن بس ماتحب جدام ناس مو مطيحه الميانه وياهم
ابرار : اها اي ختقول جذي!
ساره : اهي خبله بس تينن
ابرار : بس مادري شكلها شوي weirdo
ساره : لانج ماتعرفينها عدل..
ابرار : يمكن.. (وضحكت) اهم شي تقول استغفرالله امبيي تضحك
نرجع لي امريكا؟.. اي ولا لا؟
قعدو يوسف وصقر عقب ماصار تكسّر روس.. ويمهم علي متنّح بتلفونه
يوسف : منو تحاجي
صقر : يحاجي حبيبة القلب بعد منو
علي : ماتنطم انت وياه قاعد احاجي الوالده
يوسف : الوالده ها.. وانت صقير عدال ماتحاجي خطيبتك
علي : صقر خاطب ؟ ايا ابن اللذين ومو قايلي!!!
صقر : يالاثول دزييتلك بالوتساب! وانا اقول شفيه ماباركلي
علي : لايكون دازلي عالخط الكويتي ؟
صقر : ها عيل!
علي : الوتساب على هالخط هذا!
يوسف : عاد ماقتلنا من بنته
صقر فلع يوسف : وانت شكو!
يوسف : ياخي يمكن تصيرلنا شي
صقر : بنت عبدالعزيز جاسم ال…
يوسف تنّح.. وحاول يتذكر وين سامع هالاسم
علي : مبروك صقير والله ونستني!
صقر : يبارك فييك حبيـ..
يوسف : صقير قوم بحاجيك شوي..
علي حس السالفه فيها انّ..
صقر : شفيك !
يوسف : قوم..
بالكويت.. راحت حق ساره
دلال : وين عباتي سارو وين حطيتيها؟
ساره : تعالي حطيتها هني بالصاله الثانيه.. شتبين فيها؟
دلال : اخوي بره ناطرني
ساره : لاا! تو الناس دلول
دلال : فشله والله تاخر الوقت وجم بنت راحو.. موحلوه اقعد اكثر
ساره : لا فشله ولا شي!
دلال : ميخالف مره ثانيه انشالله.. وين برور بسلم عليها!
ساره : كاهي هناك.. تعالي
سلمت على ابرار.. وطلعت
"بشوفه شلون! اقص عليها اقولها امي دقت وقالت الوقت تاخر وردي؟ وي صح انا بنام عند ابرار اليوم.. افف.. انزين اوصلها لي الباب! لا فشله اشكره.. "
اسمه اعجاب؟ ولا حب من اول نظره ؟ ولا حب من اول دعمه ؟
ماتدري ساره شسوا فيها خالد.. الي للحين عبالها انّه سلمان!
ودلال ماتدري ليش خشت خبر ملجة اخوها سلمان عن ساره.. مع انها رفيجة عمرها
بس ماكانت تبي تتكلم.. وتحاول تصكر المواضيع وتتجنب السوالف قد ماتقدر..
ولا لها خلق تسألها ساره..
ركبت دلال سيارة خالد..
دلال : وااي خالد ذبحتني بريحة الزقاير اختنقت
خالد : صايره حلوه دلولو
دلال : خالد يوعانه
خالد : حتى انا ماتعشيت
دلال : شحقه عاد
خالد : بقطج البيت تبدلين وتخففين مكياجج ونروح نتعشى مكان
دلال انصدمت : ها!
خالد : شفيج مستغربه
دلال : انت فيك شي ؟ مريض صح؟ حرارتك مرتفعه
خالد ضحك : تسمعين رويشد؟
دلال : لا ماحبه.. صوته مزعج شلون تحب تسمعه؟
خالد : انزين شتحبين؟
دلال : شغّل اغاني Rihanna
خالد : رفيجتج انا تشغليلي هالاغاني؟ طيري زين بحط رويشد
دلال : انزين Katy Perry
خالد : ترى اسمي خالد مو فروحه.. نعم نعم كاتي بيري
دلال : اوهوو انزين حط الجسمي بس لاتحط رويشد
خالد : اي ارحم من ربعج هذوله الميانين
دلال : اي ربع؟
خالد : هذول ريحانه.. ومادري منو
دلال ضحكت : ريحانه ويهك
خالد : تبين مطعم كشخه ولا مطعم هندي؟
دلال : لا هذا ولاهذا.. مر ماك ونروح نقعد عالبحر
خالد : بتحدقين انتي؟ شنو بحر هالحزه
دلال : يالله عاد عشاني
خالد : انزين بس ييبي بطاقتج المدنيه خوفج يصادفنا تفتيش وعبالهم خاطفج ولا شي
دلال ضحكت : عمى بعينك انزين.. ماله داعي تشرح ليش
خالد ضحك..
وبعدها بفتره..
خالد : دلال
دلال : ها
خالد : ويعا شنو ها! اكلم ويه واحد من الربع انا؟
دلال : هلا حبيبي اخوي عمري امر عيوني لك
خالد : ترضين اتزوج؟
دلال : ياويلك
خالد : ليش؟
دلال : بس تصير نفس سلمانو.. اهو ومرته قطيعه ويع ويع اكرهها
خالد : اوله يالحقوده شدعوه!
دلال صرخت : لاتقول حقوده!!!!! اكرهها باقت اخوي مني!
خالد : لاتصرخين لا كف الحين
دلال : والله تبط الجبد شلون تتميلح عند امي! وامي مدلعتها ماجنه انا بنتها نستني
خالد : شكله في حجي وايد بقلبج
دلال : قد الدنيا..
خالد : انزين الحين وصلنا.. نزلي بدلي وانا انطرج هني لما تيين نتكلم
دلال : اوكي..
لما ردت دلال.. تكلمت وفضفضت لاخوها، حست ان متفهّم وايد.. !
وصلو ماك الساعه 12
دلال : بييه زحمه!
خالد : حتى داخل زحمه شوي.. تنطريني انزل واخذ الاكل؟
دلال : اي عادي
خالد : يالله كا الحين انزل.. قفلي الباب ها
دلال : انزين قولهم لايحطون وايد خس بالصمونه
خالد : اوكي (وراح)
دلال طلعت تلفونها.. ومانطرت اكثر
دخلت الـwhatsapp وكلمت محمد،
دلال : دق علي
محمد دق…
شالته بخوف.. خايفه من الي بيصير.. ماجهزت الحجي.. ولاتدري شبتقول..
"شلون اوضحله؟ شلون افهمه و اقوله ان هاذي وصخه! "
دلال : الو..
محمد : هلا دلال "هلا بالزين.."
دلال : حمود عالسريع بغيت اسألك عن شغله
محمد : اول شي وينج انتي؟
دلال : انا بماك.. قاعده بالسياره
محمد : منو معاج!
دلال : خالد بس نزل يطلب
محمد : اي اوكي..
دلال : امم.. (وسكتت مده)
محمد : شفيج؟ قولي
دلال : ا.. تعرف ربع علي؟
محمد تنرفز..: شكو علي؟ ليش تيبين طاريه كل ماكلمتيني!
دلال : حمود انت موفاهم..
محمد صرخ : شنو الي موفاهم؟ انتي تحـ..
دلال : عنده رفيج اسمه يوسف؟
محمد : شعرفج فيه ؟ من وين تعرفينه! (صرخ زياده)
دلال : الله يخليك جاوبني بلاتحقيقات !
محمد : قولي من وين تعرفين هاليوسف؟
دلال : يعني عنده!
محمد : ما اعرف اسام..
دلال قاطعته : ضروري الحين تتاكدلي وتقولي اذا عنده ولا لا!
محمد : قولي ليش!
دلال علّت صوتها : سالفه طويله!! محمد والله ما اكلمه ولا اعرفه! ششايفني ؟
محمد : اكيد؟
دلال : اكيد..
محمد: زين نطري الحين اسأله
دلال : بس لاتقوله اني انا سألتك!
محمد : انزين.. من حظّج ان الحين اونلاين بالوتساب..
دلال دق قلبها بسرعه..
"ماراح اكبر بعينه اذا قتله ان خطيبته وصخه.. ولا راح يحبني اذا وضحتله الصج.. اصلا راح يكرهني
بس احبه.. والله ما ارضى عليه ياخذ هالاشكال.. خل يتزوج الله يوفقه.. اصلا ابي وناسته.. بس مو مع هاذي!!"
محمد : كا رد علي
دلال انتبهت ان خالد ياي صوب السياره وبيده الاكل..
دلال : حمود بعدين اكلمك يالله باي
صكرته وبسرعه مسحت رقم محمد..
من حسن حظها ان خالد مغيم سيارته وماشافها عدل..
ولما دخل السياره،
خالد : منو كنتي تحاجين؟
دلال : كنت قاعده اسمع اغاني.. مادري وين هدفوني
خالد : اغاني اكيد؟
دلال : اي شفيك؟ بجذب يعني ؟
خالد : امم.. (وعطاها الاكل) اتمنى
دلال ابتسمت : الا انا.. لاتشك فيني (طل)
خالد ضحك : شفي ويهج جذي حسيتج بباي
دلال : لا والله؟
خالد : عطيني بطاط اقول..
دلال : اح حار ماقدر امسكه
خالد : عن الدلع
دلال : هاك احترق بروحك
خالد : احح اححححح ايا ال****
دلال : عن الدلع
خالد : بييج كف الحين
دلال ضحكت.. واهي من داخل ودها تعرف شصار!
بطلت تلفونها بتشوف الوتساب..لقت واصلها شي من محمد
بطلت الوتساب ولّا..
No comments:
Post a Comment